నారారోహిత్ కు హీరోయిన్ దొరికింది...
- IndiaGlitz, [Tuesday,December 08 2015]
ఇమేజ్‌తో సంబంధం లేకుండా వ‌రుస సినిమాలు చేసుకుంటూ పోతున్న హీరో నారా రోహిత్ చేతి నిండా సినిమాల‌తో ఉన్నాడు. లిస్టు ప్ర‌కారం చూస్తే ఈ ఏడాది అర‌డ‌జ‌ను సినిమ‌ల్లో న‌టిస్తున్నాడు. నెమ్మ‌దిగా ఒక్కొక్క సినిమాను సెట్స్‌పైకి తీసుకెళుతున్నాడు. ఈ లిస్టులో సాయికొర్ర‌పాటి నిర్మాత‌గా ప్ర‌దీప్ అనే నూత‌న దర్శకత్వంలో రాజా చెయ్యివేస్తే సినిమా చేయ‌బోతున్నాడు.
వ‌చ్చే నెల‌లో సినిమాను సెట్స్‌లోకి తీసుకెళ్ళ‌డానికి నిర్మాత‌లు ప్ర‌య‌త్నాలు చేస్తున్నారు. ఈ సినిమాలో నారా రోహిత్ స‌ర‌స‌న హీరోయిన్ కోసం యూనిట్ వ‌ర్గాలు చాలా ప్ర‌య‌త్నాలే చేశారు. చివ‌ర‌కు నితిన్ స‌ర‌స‌న గుండె జారి గ‌ల్లంత‌య్యిందే చిత్రంలో న‌టించిన ఇషా త‌ల్వార్‌ను ఎంపిక చేశార‌ట. తెలుగు సినిమాల్లో నటించి ఇషాత‌ల్వార్‌కు చాలా గ్యాప్ వ‌చ్చింది. ఇప్పుడు రాజా చెయ్యి వ‌స్తే ఎలాంటి బ్రేక్ తెస్తుందో చూద్దాం.