தளபதி விஜய் நடித்த ’பீஸ்ட்’ திரைப்படம் வரும் 13ஆம் தேதி உலகம் முழுவதும் வெளியாக இருக்கும் நிலையில் இந்த படத்தை பார்ப்பதற்கு அவரது கோடிக்கணக்கான ரசிகர்கள் மட்டுமின்றி திரையுலக பிரபலங்களும் மிகுந்த ஆர்வத்துடன் உள்ளனர்

இந்த நிலையில் தமிழக முதல்வர் முக ஸ்டாலினின் மருமகளும், உதயநிதி ஸ்டாலினின் மனைவியும் இயக்குனருமான கிருத்திகா உதயநிதி, விஜய்யின் ‘பீஸ்ட்’ படத்தை முதல் நாள் முதல் காட்சி பார்ப்பேன் என்று கூறியுள்ளார்

சமீபத்தில் அளித்த பேட்டியில் ’பீஸ்ட்’ திரைப்படத்தின் முதல் நாள் முதல் காட்சியை நண்பர்களுடன் சேர்ந்து பார்க்க தான் திட்டமிட்டுள்ளதாகவும் நெல்சன் மற்றும் விஜய் ஆகிய இருவருக்குமே காமெடி சென்ஸ் அதிகமாக இருக்கும் என்பதால் இந்த படத்தில் ரசிக்கும் வகையில் காமெடி இருக்கும் என்று தான் எதிர்பார்ப்பதாகவும் தெரிவித்துள்ளார்

இந்த நிலையில் ’வணக்கம் சென்னை’, ‘காளி’ போன்ற படங்களை இயக்கியுள்ள கிருத்திகா உதயநிதி தற்போது, ‘ பேப்பர் ராக்கெட்’ என்ற தொடரை இயக்கி வருகிறார் என்பதும், காளிதாஸ் ஜெயராமன், தன்யா ரவிச்சந்திரன் நடித்துள்ள இந்த தொடர் ஜீ5 தமிழில் விரைவில் ரிலீஸாகவுள்ளது என்பதும் குறிப்பிடத்தக்கது.