చైతు మూవీ గురించి ఇంట్రస్టింగ్ న్యూస్..!
- IndiaGlitz, [Friday,September 09 2016]
అక్కినేని నాగచైతన్య న‌టించిన ప్రేమ‌మ్ చిత్రం ద‌స‌రా కానుక‌గా అక్టోబ‌ర్ 7 ప్రేక్ష‌కుల ముందుకు వ‌స్తుంది. చైత‌న్య - గౌతమ్ మీన‌న్ కాంబినేష‌న్ లో రూపొందిన సాహ‌సం శ్వాస‌గా సాగిపో చిత్రం న‌వంబ‌ర్ లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఇదిలా ఉంటే...చైత‌న్య త‌దుప‌రి చిత్రాన్ని సోగ్గాడే చిన్ని నాయ‌నా ద‌ర్శ‌కుడు క‌ళ్యాణ్ కృష్ణ దర్శకత్వంలో చేయ‌నున్న విష‌యం తెలిసిందే. అయితే...ఈ మూవీ గురించి ఇంట్రస్టింగ్ డీటైల్స్ నాగార్జున ఎనౌన్స్ చేసారు.
ఇంత‌కీ నాగ్ ఏం చెప్పారంటే....ఈ చిత్రంలో జ‌గ‌ప‌తిబాబు ఓ ముఖ్య పాత్ర పోషిస్తున్నారు. చైత‌న్య సరసన ర‌కుల్ ప్రీత్ సింగ్ న‌టిస్తుంది. ఈ చిత్రానికి దేవిశ్రీప్ర‌సాద్ సంగీతం అందిస్తున్నారు. అక్టోబ‌ర్ నెలాఖ‌రులో షూటింగ్ ప్రారంభించ‌నున్నాం అని తెలియ‌చేసారు. ఈ మూవీ ఆర్టిస్టులు, టెక్నీషియ‌న్స్ ని చూస్తుంటే...చైతు కెరీర్ లో మ‌ర‌చిపోలేని చిత్రంగా నిలుస్తుంది అనిపిస్తుంది. మ‌రి...సోగ్గాడు ద‌ర్శ‌కుడు క‌ళ్యాణ్ కృష్ణ ఏం చేస్తాడో చూడాలి..!