నెక్ట్స్ ఎన్టీఆర్ టైటిల్ ఇదేనా...?
- IndiaGlitz, [Monday,August 29 2016]
యంగ్ టైగర్ ఎన్టీఆర్ సెప్టెంబర్ 1న జనతాగ్యారేజ్ తో సందడి చేయడానికి రెడీ అవుతున్నాడు. ఈ సినిమా తర్వాత అన్న నందమూరి కల్యాణ్ రామ్ నిర్మాతగా ఎన్టీఆర్ ఆర్ట్స్ బ్యానర్ పై వక్కంతం వంశీ దర్శకత్వంలో రూపొందనున్న సినిమాలో నటిస్తాడనని అంటున్నారు. టెంపర్ సినిమాకు కథ అందించిన వక్కంతం వంశీ గతంలో కూడా కిక్ సహా పలు హిట్ చిత్రాలకు సంగీతం అందించాడు. ఎన్టీఆర్ తో సినిమా చేయాలని చాలా రోజులుగా వెయిట్ చేస్తున్నాడు. ఎట్టకేలకు త్వరలోనే వంశీ కల నేరవేరబోతుంది. కాగా ఈ చిత్రానికి దడ్ కన్ అనే టైటిల్ పరిశీలనలో ఉందని ఫిలింనగర్ లో వార్తలు వినపడుతున్నాయి. మరి దీనిపై చిత్రయూనిట్ ఎలా స్పందిస్తారో చూద్దాం.