close
Choose your channels

‘RRR’ రిలీజ్‌ ప్లాన్‌ మారుతుందా?

Monday, November 11, 2019 • తెలుగు Comments

‘RRR’ రిలీజ్‌ ప్లాన్‌ మారుతుందా?

ప్రస్తుతం టాలీవుడ్‌లో రూపొందుతోన్న ప్రెస్టీజియస్‌ ప్రాజెక్ట్‌ ‘RRR’. దర్శక ధీరుడు ఎస్‌.ఎస్‌.రాజమౌళి దర్శకత్వంలో తెరకెక్కుతున్న చిత్రమిది. ‘బాహుబలి’ తర్వాత రాజమౌళి దర్శకత్వంలో రానున్న సినిమా కావడంతో టాలీవుడ్‌ సహా అందరూ ఆసక్తిగా ఎదరుచూస్తున్నారు. అంతే కాకుండా టాలీవుడ్‌ స్టార్‌ హీరోలైన యంగ్‌ టైగర్‌ ఎన్టీఆర్‌, మెగాపవర్‌ స్టార్‌ రామ్‌చరణ్‌ కాంబినేషన్‌లో రాబోతున్న చిత్రమిది. అలాగే ఈ సినిమాలో బాలీవుడ్‌ స్టార్స్‌ అజయ్‌ దేవగణ్‌, ఆలియా భట్‌ కీలక పాత్రల్లో నటిస్తున్నారు. కాగా.. సినిమా ప్రారంభంలో సినిమాను వచ్చే ఏడాది జూలై 30న విడుదల చేస్తామని చిత్ర యూనిట్‌ ప్రకటించింది.

అయితే మధ్యలే రామ్‌చరణ్‌ గాయపడటం, ఎన్టీఆర్‌ చేతికి గాయమవడం వంటి కారణాలతో షూటింగ్‌ షెడ్యూల్స్‌ ఆలస్యమైయ్యాయి. ఇప్పుడు ఈ ఆలస్యం సినిమా విడుదల విషయంలో కీలకంగా మారింది. సినిమా పూర్తయిన తర్వాత రాజమౌళి పోస్ట్‌ ప్రొడక్షన్‌కి ఆరు నెలల సమయం తీసుకుంటాడు. అంటే డిసెంబర్‌కి షూటింగ్‌ పూర్తయితే జూలైకి సినిమా ప్రేక్షకుల ముందుకు వచ్చేది కానీ పరిస్థితి మారడంతో సినిమా విడుదల తేదీని మార్చాలని దర్శక నిర్మాతలు అనుకుంటన్నట్లు వార్తలు వినపడుతున్నాయి. వచ్చే ఏడాది దసరా సందర్భంలోనైనా లేకుంటే 2021 సంక్రాంతికి కానీ సినిమాను విడుదల చేస్తే అసలు ఎక్కువ గాభరా పడాల్సిన పని ఉండదని అనుకుంటున్నారట. మరి దీనిపై చిత్ర యూనిట్‌ ఎలా స్పందిస్తుందో చూడాలి. ఈ చిత్రాన్ని డి.వి.వి.ఎంటర్‌టైన్‌మెంట్స్‌ బ్యానర్‌పై డి.వి.వి.దానయ్య నిర్మిస్తున్నాడు

Get Breaking News Alerts From IndiaGlitz