ஜெயம் ரவியின் 'அகிலன்' படத்தின் ரிலீஸ் தேதி இதுவா?
- IndiaGlitz, [Tuesday,May 31 2022]
தமிழ் திரையுலகின் இளைய தலைமுறை நடிகரான ஜெயம் ரவியின் அடுத்த படத்தின் ரிலீஸ் தேதி குறித்த தகவல் கசிந்துள்ளது.
நடிகர் ஜெயம் ரவி தற்போது ’அகிலன்’ என்ற திரைப்படத்தில் நடித்து வருகிறார் என்பதும் இந்த படத்தில் அவர் காவல்துறை அதிகாரியாக நடித்து வருகிறார் என்பதையும் ஏற்கனவே பார்த்தோம்.
இந்த நிலையில் இந்த படத்தின் படப்பிடிப்பு இறுதி கட்டத்தில் உள்ள நிலையில் இந்த படம் செப்டம்பர் 15ஆம் தேதி ரிலீஸ் செய்ய அதிக வாய்ப்பு இருப்பதாக கூறப்படுகிறது. இன்னும் ஒரு சில நாட்களில் இந்த படத்தின் ஒட்டுமொத்த படப்பிடிப்பும் முடிவடைந்து விடும் என்றும் இதன் பின்னர் போஸ்ட் புரடொக்ஷன் பணிகள் துவங்கும் என்றும் கூறப்படுகிறது.
கல்யாண கிருஷ்ணன் இயக்கத்தில், சாம் சிஎஸ் இசையில் உருவாகி வரும் இந்தப் படத்தில் சூர்யாவின் ’அஞ்சான்’ படத்தில் நடித்த நடிகர் சிராஜ் ஜானி வில்லனாக நடித்து வருகிறார். இந்த படத்தின் பெரும்பாலான படப்பிடிப்பு தூத்துக்குடி துறைமுகத்தில் நடைபெற்றதாகவும் இந்த படம் ஜெயம் ரவியின் திரையுலக வாழ்க்கையில் ஒரு திருப்புமுனை படமாக இருக்கும் என்றும் கூறப்படுகிறது.