ஜீவா நடிப்பில் உருவான 'வரலாறு முக்கியம்’ என்ற படத்தின் படப்பிடிப்பு முடிவடைந்து தற்போது இறுதிக்கட்ட போஸ்ட் புரடொக்ஷன் பணிகள் நடைபெற்று வருகிறது. இந்த நிலையில் சற்று முன் இந்த படத்தின் டிரைலர் வெளியாகி இணையதளங்களில் வைரலாக பரவி வருகிறது.

இரண்டு நிமிடங்களுக்கு மேல் இருக்கும் இந்த ட்ரெய்லரில் ரொமான்ஸ் மற்றும் காமெடி அம்சங்கள் கலந்துள்ளன என்பதும் ஜீவா இந்த படத்தில் ஒரு ரொமான்ஸ் நாயகனாக நடித்துள்ளார் என்பதும் தெரியவருகிறது.

இந்த படத்தின் முக்கிய கேரக்டரில் விடிவி கணேஷ் நடித்துள்ள நிலையில் அவரது காமெடி இந்த படத்தில் மிகச் சிறப்பாக உள்ளது என்பது டிரைலரில் இருந்து தெரிகிறது .

மேலும் ஜீவா ஜோடியாக காஷ்மீரா, பிரக்யா ஆகியோர் நடித்திருக்க மேலும் கேஎஸ் ரவிக்குமார், மொட்டை ராஜேந்திரன் உள்ளிட்ட பலர் நடித்துள்ளனர். சந்தோஷ் ராஜன் இயக்கத்தில் உருவாகி வரும் இந்த படத்தை சூப்பர் குட் ஃபிலிம்ஸ் நிறுவனம் தயாரித்துள்ளது. இந்த படம் விரைவில் திரைக்கு விரைவில் வெளியாக உள்ளது என்பது குறிப்பிடத்தக்கது.