கார்த்தியின் அடுத்த படத்தில் ஜோதிகா?
- IndiaGlitz, [Wednesday,March 06 2019]
'தேவ்' படத்தை அடுத்து கார்த்தி தற்போது 'மாநகரம்' இயக்குனர் லோகேஷ் கனகராஜ் இயக்கி வரும் ஒரு படத்தில் நடித்து வருகிறார். நாயகியே இல்லாத த்ரில் படமாக இந்த படம் உருவாகி வருகிறது.
இந்த நிலையில் கார்த்தி நடிக்கவுள்ள அடுத்த படத்தை இயக்குனர் பாக்யராஜ் கண்ணன் இயக்கவுள்ளதாகவும், இந்த படத்தில் கார்த்தி ஜோடியாக ராஷ்மிகா நடிக்கவுள்ளதாகவும் வெளிவந்த செய்தியை ஏற்கனவே பார்த்தோம்
ஆனால் பாக்யராஜ் கண்ணன் இயக்கும் படத்திற்கு முன்னதாகவே கார்த்தி ஒரு படத்தில் நடிக்கவுள்ளதாகவும் இந்த படத்தை கமல்ஹாசன் நடித்த 'பாபநாசம்' படத்தை இயக்கிய பிரபல மலையாள திரையுலக இயக்குனர் ஜித்து ஜோசப் இயக்கவுள்ளதாகவும் செய்திகள் வெளிவந்துள்ளது. மேலும் இந்த படத்தில் முக்கிய வேடம் ஒன்றில் ஜோதிகாவும் நடிக்கவுள்ளார் என்பது குறிப்பிடத்தக்கது