காலா' அரசியல் படம் தான்: உண்மையை போட்டு உடைத்த நடிகை
- IndiaGlitz, [Saturday,April 07 2018]
சூப்பர் ஸ்டார் ரஜினிகாந்த் விரைவில் அரசியல் கட்சி தொடங்கி அரசியல் களத்தில் குதிக்கவுள்ளதால் அவர் நடித்து வெளியாகவுள்ள 'காலா' படத்தில் அரசியல் கலந்த பஞ்ச் வசனங்கள் இருக்கும் என்று எதிர்பார்க்கப்படுகிறது
இந்த நிலையில் காலா ஒரு முக்கியமான அரசியல் செய்தியை சொல்லும் படம் என்றும், காலாவில் அரசியல் சம்பந்தமான காட்சிகள் அதிகம் இருப்பதாகவும், இந்த படத்தில் முக்கிய கேரக்டரில் நடித்துள்ள அஞ்சலி பட்டீல் கூறியுள்ளார். மேலும் தான் இந்த படத்தில் தமிழ் பேசும் மராத்தி பெண் கேரக்டரில் நடித்துள்ளதாகவும், இந்த கேரக்டர் படத்தின் திருப்புமுனை உண்டாக்கும் கேரக்டர் என்றும் அவர் கூறியுள்ளார்.
ஏப்ரல் 27ஆம் தேதி வெளியாகும் என்று எதிர்பார்க்கப்படும் 'காலா' திரைப்படத்தில் ரஜினிகாந்த், ஈஸ்வரிராவ், ஹூமாகுரேஷி, நானா படேகர், சமுத்திரக்கனி உள்பட பலர் நடித்துள்ளனர். தனுஷின் வொண்டர்பார் பிலிம்ஸ் தயாரித்திருக்கும் இந்த படத்தை பா.ரஞ்சித் இயக்கியுள்ளார். இந்த படத்திற்கு சந்தோஷ் நாராயணன் இசையமைத்துள்ளார்.