உலகநாயகன் கமல்ஹாசன் நடிப்பில் லோகேஷ் கனகராஜ் இயக்கத்தில் உருவாக உள்ள கமல்ஹானின் 232வது படத்தின் டைட்டில் டீசர் தற்போது வெளியாகி உள்ளது

இந்த டீசரில் படத்தின் டைட்டில் மட்டுமே அறிவிக்கப்படும் என்று எதிர்பார்த்த நிலையில் அனைவரும் ஆச்சரியப்படும் வகையில் இரண்டு நிமிடத்திற்கும் மேலாக வீடியோ ஒன்று வெளியாகியுள்ளது. அதில் கமலஹாசன் ஒரு சிலரை விருந்துக்கு அழைப்பது போலவும், விருந்துக்கு வந்தவர்களை வதம் செய்வது போலவும் இருக்கும் காட்சிகளும், ’ஆரம்பிக்கலாங்களா’ என்ற வசனத்தை தொடர்ந்து அவர் தனது வதத்தை ஆரம்பிக்கும் காட்சிகள் உள்ளன

முன்னதாக அவர் ஆங்காங்கே துப்பாக்கிகளையும் ஆயுதங்களையும் ஒளித்து வைக்கும் காட்சிகளும் உள்ளன. மொத்தத்தில் இந்த இரண்டு நிமிட வீடியோ கமல்ஹாசனின் அடுத்த படத்தை மிகப்பெரிய அளவில் எதிர்பார்க்க வைத்து விட்டது என்று தான் கூற வேண்டும்

குறிப்பாக இந்த படத்திற்கு பல டைட்டில்கள் சமூக வலைதளங்களில் ஊகங்களாக கூறப்பட்ட நிலையில் ’விக்ரம்’ என்ற டைட்டில் வைக்கப்பட்டுள்ளதாக அறிவிக்கப்பட்டுள்ளது. ஏற்கனவே ’விக்ரம்’ என்ற பெயரில் கமல்ஹாசன் நடித்த திரைப்படம் ஒன்று கடந்த 1986ஆம் ஆண்டு வெளியானது என்பது தெரிந்தது