கர்நாடக முதல்வருடன் கமல் சந்திப்பு! 'காலா' குறித்து பேசுவாரா?
- IndiaGlitz, [Monday,June 04 2018]
நடிகரும் மக்கள் நீதி மய்யம் கட்சியின் தலைவருமான கமல்ஹாசன் கடந்த சில நாட்களுக்கு முன்னர் பெங்களூரில் முதல்வர் குமாரசாமி பதவியேற்பு விழாவில் கலந்து கொண்ட நிலையில் இன்று மீண்டும் அவரை சந்திக்க பெங்களூர் செல்கிறார்
இந்த சந்திப்பின்போது அவர் கர்நாடக முதல்வரிடம் காவிரி விவகாரம் தொடர்பாக கலந்தாலோசிக்கவுள்ளதாக தகவல் வெளிவந்துள்ளது. இந்த சந்திப்பு குறித்து கமல் கூறியபோது, 'இந்த சந்திப்பின்போது கண்டிப்பாக சினிமா சம்பந்தப்பட்ட விசயமாக குமாரசாமி அவரக்ளிடம் பேசப்போவதில்லை. படங்கள் வெளியிடுவதை வியாபாரிகள் பார்த்துக் கொள்வார்கள்” என சென்னை விமான நிலையத்தில் கமல்ஹாசன் பேட்டி அளித்தார்
மேலும் தூத்துக்குடியில் போராட்டம் நடத்துபவர்கள் சமூக விரோதிகள் என்றால் நானும் சமூக விரோதி தான் என்றும், போராட்டங்களை மக்கள் நிறுத்த மாட்டார்கள், நிறுத்தவும் கூடாது என்றும் கூறிய கமல்ஹாசன் இந்த கருத்தை நானாக கூறுவதில்லை என்றும் மக்களின் கருத்துகளை பிரதிபலிக்கிறேன் என்றும் கூறினார்.
மேலும் சட்டப்பேரவைக்கு மீண்டும் செல்ல திமுக தீர்மானித்துள்ளது நல்ல முடிவு என்றும் கமல்ஹாசன் தெரிவித்துள்ளார்.