'కంచె' వాయిదా పడింది
- IndiaGlitz, [Tuesday,September 22 2015]
కంచె విడుదల వాయిదా పడింది. అక్టోబ‌ర్ 2కు బ‌దులు ఈ సినిమాను న‌వంబ‌ర్ 6న విడుదల చేయ‌డానికి స‌న్నాహాలు చేస్తున్నారు. క్రిష్ జాగ‌ర్ల‌మూడి ద‌ర్శ‌క‌త్వం వ‌హించిన ఈ సినిమాను రాజీవ్‌రెడ్డి, సాయిబాబు నిర్మిస్తున్నారు. ఇటీవ‌లే పాట‌లు కూడా విడుద‌ల‌య్యాయి.
రెండో ప్ర‌పంచ‌యుద్ధ నేప‌థ్యంలో సాగిన సినిమా ఇది. ముందు అక్టోబ‌ర్ 2న విడుదల చేయాల‌ని అనుకున్నారు. కానీ ఈ నెల 24 నుంచి వ‌రుస‌గా మెగా హీరోల చిత్రాలు విడుద‌ల‌కున్నాయి. త‌మ సినిమాలే త‌మ‌కు పోటీగా ఉండ‌టం ఇష్టం లేకే ఈ నిర్ణ‌యానికి వ‌చ్చిన‌ట్టు స‌మాచారం. దీపావ‌ళిని పుర‌స్క‌రించుకుని న‌వంబ‌ర్ 6న సినిమాను ప్రేక్ష‌కుల ముందుకు తీసుకురావాల‌ని యూనిట్ నిర్ణ‌యించింద‌ట.