కంగనా రివ‌ర్స్ వార్నింగ్‌..
- IndiaGlitz, [Friday,January 18 2019]
సినిమా వాళ్లు బెదిరిస్తే బెదిరిపోతారు అనుకుంటే పొర‌పాటే అంటుంది కంగనా ర‌నౌత్‌. ఈమె టైటిల్ పాత్ర‌లో న‌టిస్తూ ద‌ర్శ‌క‌త్వం వ‌హించిన చిత్రం 'మణిక‌ర్ణిక'. ఈ నెల 25న సినిమా విడుద‌ల‌వుతుంది. సినిమాలో ఝాన్సీ పాత్ర బ్రిటీష్ అధికారితో ప్రేమ‌లో ప‌డ్డ‌ట్టు చూపించార‌ని, ఆ స‌న్నివేశాల‌ను తొల‌గించ‌క‌పోతే తీవ్ర ప‌రిణామాలు ఎదుర్కొవాల‌ని క‌ర్ణిసేన హెచ్చ‌రించింది.
దీనిపై కంగనా కూడా ఘాటుగానే స్పందించింది. మీడియా ద్వారా కంగనా స్పందిస్తూ..''సినిమాకు న‌లుగురు చ‌రిత్రకారులు ఆమోదం తెలిపారు. సెన్సార్ బోర్డ్ స‌ర్టిఫికేట్ ఇచ్చింది. నేను కూడా రాజ్‌పుత్‌నే. ఆందోళ‌న‌లఉ ఆప‌క‌పోతే నేను కూడా వారిలాగే ప్ర‌వ‌ర్తించాల్సి ఉంటుంది. వారంద‌రినీ నాశనం చేస్తాను'' అన్నారు.