பிரபல பாலிவுட் நடிகை கங்கனா ரனாவத் நடித்த ’எமர்ஜென்சி’ என்ற திரைப்படம் ஜூன் 14ஆம் தேதி வெளியாகும் என்று அறிவிக்கப்பட்டிருந்த நிலையில் தற்போது அரசியல் பணிகளில் அவர் பிஸியாக இருப்பதால் இந்த படத்தின் ரிலீஸ் தேதியை ஒத்தி வைத்து விட்டதாக கூறப்படுகிறது.

பாலிவுட் திரையுலகின் முன்னணி நடிகைகளில் ஒருவரான கங்கனா ரனாவத் நடித்து இயக்கி வந்த திரைப்படம் ’எமர்ஜென்சி’. முன்னாள் பிரதமர் இந்திரா காந்தி வாழ்க்கை வரலாற்றின் ஒரு பகுதியே இந்த படமாக உருவாகியுள்ள நிலையில் இந்த படத்திற்கு மிகப்பெரிய எதிர்பார்ப்பு ஏற்பட்டிருந்தது.

இந்த நிலையில் இந்த படத்தை ஜூன் 14ஆம் தேதி ரிலீஸ் செய்ய திட்டமிட்டு இருந்த நிலையில் தற்போது கங்கனா ரனாவத் தனது சொந்த மாநிலமான இமாச்சலப் பிரதேசத்தில் உள்ள மண்டி என்ற தொகுதியில் பாரதிய ஜனதா கட்சியின் சார்பில் போட்டியிடுகிறார்.

தேர்தல் பிரச்சாரத்தில் பிஸியாக இருந்ததால் ’எமர்ஜென்சி’ படத்தின் தொழில்நுட்ப பணிகளை அவரால் கவனிக்க முடியவில்லை என்றும் அதனால் திட்டமிட்டபடி ஜூன் 14-ஆம் தேதி ரிலீஸ் ஆகவில்லை என்றும் அறிவிக்கப்பட்டுள்ளது.

மேலும் தற்போதைய நிலையில் அரசியலுக்காக அவர் தன்னை முழுமையாக அர்ப்பணித்துக் கொண்டதால் கொண்டதாகவும் நாட்டிற்கான பணியே முதன்மையானது என்பதால் அதை முடித்து விட்டு அதன் பிறகு ’எமர்ஜென்சி’ படத்தில் கவனம் செலுத்துவார் என்று ‘எமர்ஜென்சி’ படத்தின் தயாரிப்பு நிறுவனம் இன்ஸ்டாவில் கூறியுள்ளது. மேலும் ’எமர்ஜென்சி’ படத்தின் புதிய ரிலீஸ் தேதி விரைவில் அறிவிக்கப்படும் என்றும் அறிவிக்கப்பட்டுள்ளது.