சூர்யா நடிப்பில், சிறுத்தை சிவா இயக்கத்தில் உருவாகி வரும் ’கங்குவா’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் படப்பிடிப்பு ஸ்டில் ஒன்று இணையத்தில் வெளியாகி வைரல் ஆகி வருகிறது.

’கங்குவா’ படத்தின் படப்பிடிப்பு சமீபத்தில் கொடைக்கானலில் நடைபெற்ற நிலையில் தற்போது முக்கிய காட்சிகளின் படப்பிடிப்பு நடைபெற்று வருகிறது என்றும் இந்த படத்தின் படப்பிடிப்பில் சிறுத்தை சிவா மற்றும் அவரது குழுவினர் விறுவிறுப்பாக இருப்பதாகவும் செய்திகள் வெளியாகி உள்ளன

இந்த நிலையில் ’கங்குவா’ படத்தின் படப்பிடிப்பு ஸ்டில் ஒன்று வெளியாகி இணையத்தில் வைரலாகி வருகிறது. இந்த ஸ்டில்லில் இயக்குனர் சிறுத்தை சிவா, ஒளிப்பதிவாளர் வெற்றி பழனிசாமி மற்றும் ஸ்டண்ட் மாஸ்டர் சுப்ரீம் சுந்தர் இருப்பதை அடுத்து தற்போது அதிரடி ஆக்சன் காட்சிகளின் படப்பிடிப்பு நடைபெற்று வருவதாக தெரிகிறது.

இந்த ஸ்டில் பின்னணி அட்டகாசமாக இருப்பதால் இந்த படத்திற்கு வேற லெவலில் செட் போடப்பட்டு இருப்பது உறுதி செய்யப்பட்டுள்ளது. மொத்தத்தில் இந்த ஸ்டில் படத்தின் எதிர்பார்ப்பை அதிகரித்து உள்ள நிலையில் அதை சூர்யா ரசிகர்கள் இணையத்தில் வைரலாக்கி வருகின்றனர்.

சூர்யா ஜோடியாக திஷா பதானி நடிக்கும் இந்த படத்தில் யோகி பாபு, ரெடின் கிங்ஸ்லி, கோவை சரளா, ஆனந்தராஜ், ஜெகபதி பாபு, நடராஜன் சுப்பிரமணியம், பாபி தியோல் உள்ளிட்ட பலர் நடித்து வருகின்றனர். ரூ.350 கோடி பட்ஜெட்டில் உருவாகி வருவதாக கூறப்படுகிறது.