சிவகார்த்திகேயன் படத்தில் மீண்டும் கீர்த்திசுரேஷ்
- IndiaGlitz, [Sunday,June 03 2018]
சமீபத்தில் வெளியான 'நடிகையர் திலகம்' படத்தின் மூலம் புகழின் உச்சத்துக்கு சென்றவர் கீர்த்திசுரேஷ். நடிகையர் திலகம் சாவித்திரியை அப்படியே கண்முன் கொண்டு வந்த கீர்த்திசுரேஷுக்கு பாராட்டுக்கள் குவிந்தது என்பது தெரிந்ததே
இந்த நிலையில் ஏற்கனவே நடிகர் சிவகார்த்திகேயனுடன் 'ரஜினிமுருகன்' மற்றும் 'ரெமோ' படங்களில் நடித்த கீர்த்திசுரேஷ், தற்போது அவர் நடித்து வரும் 'சீமராஜா' படத்தில் சிறப்பு தோற்றத்தில் நடித்துள்ளதாக தகவல்கள் வெளிவந்துள்ளது. இந்த படத்தில் சமந்தா நாயகி என்பதும், சமந்தாவுடன் ஏற்கனவே 'நடிகையர் திலகம்' படத்தில் கீர்த்திசுரேஷ் நடித்துள்ளார் என்பதும் குறிப்பிடத்தக்கது.
'சீமராஜா' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புர்டொக்சன்ஸ் பணிகள் விறுவிறுப்பாக நடைபெற்று வருகிறது. வரும் விநாயகர் சதூர்த்தி தினத்தில் வெளியாகவுள்ள இந்த படத்தில் சிவகார்த்திகேயன், சமந்தா, சிம்ரன், நெப்போலியன், சூரி உள்பட பலர் நடித்துள்ளனர். 24ஏஎம் ஸ்டுடியோஸ் நிறுவனம் தயாரித்துள்ள இந்த படத்திற்குக் டி.இமான் இசையமைத்துள்ளார். பொன்ராம் இயக்கியுள்ள இந்த படம் இந்த ஆண்டின் மிக எதிர்பார்ப்பிற்குரிய படங்களில் ஒன்று ஆகும்