சேலையில் வெரைட்டி காட்டும் தேசிய விருது நடிகை… வைரலாகும் அவுட்ஃபிட் புகைப்படம்!
- IndiaGlitz, [Monday,March 29 2021]
தமிழ், தெலுங்கு சினிமாவில் முன்னணி நடிகையாக இருந்தும் வரும் நடிகை கீர்த்தி சுரேஷ் மறைந்த நடிகை சாவித்ரியின் வாழ்க்கை வரலாற்றுத் திரைப்படத்தில் நடித்தற்காக தேசிய விருது பெற்றார். அதோடு சிறிய வயதிலேயே பெரும்பாலான முன்னணி நடிகர்களுடன் ஜோடி சேர்ந்து நடித்து விட்ட இவர் தற்போது சூப்பர் ஸ்டாருடன் “அண்ணாத்த”, மகேஷ் பாபுவுடன் “சர்க்காரு வாரி பாட்டா”, போவினோ தாமஷுடன் “வாஷி“, தமிழில் “சாணி காயிதம்“ போன்ற பல முன்னணி படங்களில் நடித்து வருகிறார்.
மேலும் இந்தியில் பிரம்மாண்டமாக உருவாகி வரும் “ரங் தே” திரைப்படத்தின் படப்பிடிப்புக்காகத் தற்போது அரபு எமிரேட்ஸில் பிசியாக நடித்து வருகிறார். தொடர்ந்து சமூக வலைத்தளங்களிலும் ஆக்டிவாக இருந்து வரும் இவர் தனது செல்லப் பிராணிகளுடன் இருப்பது போன்ற புகைப்படங்களையும் வீடியோக்களையும் தனது இன்ஸ்டாவில் தொடர்ந்து பதிவிட்டு வருகிறார்.
இந்நிலையில் ‘’ Promotional madness after 3 years” எனக் குறிப்பிட்டு இருக்கும் நடிகை கீர்த்தி ஒரு வெள்ளி போர்த்திய சேலையில் படு பிட்டாக இருக்கும் ஒரு புகைப்படத்தை தனது இன்ஸ்டாவில் பதிவிட்டு உள்ளார். இப்படி சேலை உடையிலும் மார்டனைக் காட்டும் நடிகை கீர்த்தி இதற்கு முன்பும் இதுபோன்ற மார்டன் சேர்ரி லுக்கை வெளியிட்டு ரசிகர்களிடம் பாராட்டுகளைப் பெற்றுள்ளார் என்பதும் குறிப்பிடத்தக்கது. அந்த வகையில் தற்போது வெள்ளிப் போர்த்திய மார்டன் சேலையில் இருக்கும் நடிகை கீர்த்தி சுரேஷின் புகைப்படம் இணையத்தில் படு வைரலாகி வருகிறது.