ఆ విషయం నేనెప్పుడూ ఊహించలేదు.. కన్నీళ్లొచ్చాయి: కృతి శెట్టి

  • IndiaGlitz, [Wednesday,February 10 2021]

హీరోయిన్‌గా తొలిసారిగా ‘ఉప్పెన’ సినిమా ద్వారా కృతిశెట్టి వెండితెరకు పరిచయం కాబోతోంది. ఈ సినిమా శుక్రవారం విడుదల కానుంది. ఈ సందర్భంగా మీడియాకు సినిమా, పర్సనల్‌కు సంబంధించిన ఆసక్తికర విషయాలను కృతి శెట్టి పంచుకుంది. తాను ఎందరో నటులకు వీరాభిమానినని.. అలాంటి తనకు అభిమానులు ఏర్పడతారని ఊహించలేదని చెప్పింది. ‘ఉప్పెన’ సినిమాలోని పాటలు.. పోస్టర్స్ విడుదలైన అనంతరం ప్రేక్షకులు తనపై చూపిస్తున్న అభిమానాన్ని చూసి ఆశ్చర్యపోతున్నానని వెల్లడించింది. ఈ సినిమా చేసిన అనంతరం తాను వెళ్లిపోదామనుకున్నానని.. కానీ అభిమానుల కారణంగానే ఉండిపోయానని కృతి శెట్టి వెల్లడించింది.

స్వచ్ఛమైన ప్రేమకథ..

తాను కన్నడ కుటుంబంలో జన్మించానని.. అనంతరం బెంగళూరు నుంచి ముంబై వెళ్లి స్థిరపడ్డామని కృతిశెట్టి వెల్లడించింది. ‘ఉప్పెన’ సినిమాకి ముందు తనకు కథానాయికగా అవకాశాలు రాలేదని తెలిపింది. కానీ... చదువుకుంటూనే కొన్ని వాణిజ్య ప్రకటనలు చేశానని వెల్లడించింది. నటనపై ఆసక్తి ఉన్నప్పటికీ... ఎప్పుడూ సినిమాల్ని కెరీర్‌గా ఎంచుకోవాలని అనుకోలేదని కృతి తెలిపింది. ‘ఉప్పెన’ కోసం దర్శకుడు బుచ్చిబాబు మెసేజ్‌ చేసినప్పుడూ ఆసక్తి కనబరచలేదని వెల్లడించింది. మూడు నెలల పాటు ఆయనతో ఛాటింగ్‌ చేసిన తర్వాత కథ విన్నానని.. అది విన్న తర్వాత తనకు కన్నీళ్లొచ్చాయని... అది అంత స్వచ్ఛమైన ప్రేమకథ అని తెలిపింది. ఈ మధ్య కాలంలో ఇటువంటి ప్రేమకథ రాలేదని... అందుకే వెంటనే అంగీకరించానని కృతి వెల్లడించింది.

ఎదుటి వ్యక్తికీ పేరు రావాలనుకుంటాడు

ఈ సినిమాలో బేబమ్మ అనే ఒక బబ్లీ గర్ల్ పాత్రలో నటించానని కృతి వెల్లడించింది. తాను మెథడ్‌ యాక్టింగ్‌ను నమ్ముతా. అందుకని, భావోద్వేగభరిత సన్నివేశాలు చేసేటప్పుడు... పాత్రలో సహజత్వం కోసం ముందు నుంచి సన్నద్ధమయ్యేదాన్నని వెల్లడించింది. భావోద్వేగభరిత సన్నివేశం చూసి కెమెరామన్ శ్యామ్‌ దత్‌‌కు కన్నీళ్లొచ్చాయని చెప్పడం ఎప్పటికీ మరువలేనని కృతి శెట్టి వెల్లడించింది. దర్శకుడు సుకుమార్‌, దేవిశ్రీ ప్రసాద్‌, విజయ్‌ సేతుపతితో పని చేయాలని చాలామంది కోరుకుంటారని... తాను కూడా అదే కోరుకున్నానని తెలిపింది. మైత్రీ మూవీ మేకర్స్‌ సంస్థలో తన తొలి చిత్రం చేయడం అదృష్టంగా భావిస్తున్నానని పేర్కొంది. వైష్టవ్‌తేజ్‌ అద్భుతంగా నటించాడని... తనతో పాటు ఎదుటి వ్యక్తికీ పేరు రావాలని తపిస్తుంటాడని కృతి వెల్లడించింది.

చిరంజీవి చెప్పిన మాటలు విని..

హిందీలో అనువాదమైన తెలుగు, తమిళ చిత్రాలు చూసేదాన్నని తెలిపింది. అయితే ఆ రెండు భాషల మధ్య నాకు ఒక పెద్ద కన్ఫ్యూజన్ ఉండేదని కృతి వెల్లడించింది. ఏది తెలుగు? ఏది తమిళం? అనేది అప్పట్లో తనకు తెలిసేది కాదని తెలిపింది. కానీ.. చిరంజీవి మాత్రం తెలుసని.. ఆయన సినిమాలు చూశానని కృతి వెల్లడించింది. ప్రీ-రిలీజ్‌ ఈవెంట్‌లో చిరంజీవి తన గురించి చెప్పిన మాటలు విని చాలా ఆనందం కలిగిందని వెల్లడించింది. అవి తనకు ఇప్పటి వరకూ వచ్చిన ప్రశంసల్లో అత్యుత్తమైనవిగా పేర్కొంది. తమ సినిమా నిర్మాతలు నవీన్‌ ఎర్నేని, రవిశంకర్‌ రషెస్‌ చూసి ఫోన్‌ చేసి బాగా చేశావని మెచ్చుకునేవారని కృతి వెల్లడించింది. ప్రస్తుతం మరో రెండు సినిమాలు చేస్తున్నానని.. నానితో ‘శ్యామ్‌ సింగరాయ్‌’, సుధీర్‌బాబుతో మరో సినిమా చేస్తున్నానని కృతి వెల్లడించింది.

More News

టైమ్ లైన్ ఫిక్స్ చేసుకున్న జక్కన్న...!

మోస్ట్ అవెయిటెడ్ మూవీ ఆఫ్ ప్యాన్ ఇండియా ‘ఆర్ఆర్ఆర్‌(ర‌ణం రౌద్రం రుధిరం)’.

స్టైలిష్ స్టార్ కోసం కోలీవుడ్ స్టార్ డైరెక్ట‌ర్ ప్ర‌యత్నాలు..!

స్టైలిష్ స్టార్ అల్లు అర్జున్ క్రేజీ ప్రాజెక్ట్స్‌తో బిజీగా ఉన్నాడు. అయితే ఈయ‌న‌తో ఓ డిఫ‌రెంట్ సినిమా చేయాల‌ని కోలీవుడ్ డైరెక్ట‌ర్ ఆలోచ‌న చేశాడ‌ట‌.

బాల‌కృష్ణ 106... ఫ్యాన్సీ ఆఫ‌ర్‌తో డీల్ పూర్తి..!

సూప‌ర్ హిట్ కాంబినేష‌న్స్‌కి ఉండే క్రేజే వేరు. సినిమా సెట్స్‌పై ఉండ‌గానే బిజినెస్ డీల్స్ పూర్తై పోతుంటాయి.

‘రాధేశ్యామ్‌’ టీజ‌ర్ కోసం పూజా హెగ్డే డ‌బ్బింగ్‌...

రెబల్‌స్టార్ ప్ర‌భాస్, పూజా హెగ్డే జోడీగా న‌టిస్తోన్న పీరియాడిక్ లవ్ స్టోరి‘రాధేశ్యామ్‌’. ఈ సినిమా టీజ‌ర్‌ను వేలంటెన్స్ డే సంద‌ర్భంగా ఫిబ్ర‌వ‌రి 14న విడుద‌ల

విశాఖ ఉక్కును ప్రైవేటుపరం చేయవద్దు: అమిత్ షాకు పవన్ వినతి

కేంద్ర హోం మంత్రి అమిత్ షాతో జనసేన పార్టీ అధ్యక్షుడు పవన్ కల్యాణ్, పీఏసీ చైర్మన్ నాదెండ్ల మనోహర్ సమావేశమయ్యారు.