தளபதி விஜய் நடித்து வரும் ’லியோ’ படத்தின் அடுத்த கட்ட படப்பிடிப்பு தற்போது சென்னையில் நடைபெற்று வரும் நிலையில் இந்த படப்பிடிப்பில் கலந்து கொண்ட த்ரிஷாவுக்கு படக்குழுவினர் கொடுத்த சர்ப்ரைஸ் குறித்த தகவல் வெளிவந்துள்ளது.

தளபதி விஜய் நடிப்பில், இயக்குனர் லோகேஷ் கனகராஜ் இயக்கத்தில், அனிருத் இசையில் உருவாகி வரும் திரைப்படம் ’லியோ’. இந்த படத்தின் படப்பிடிப்பு சமீபத்தில் காஷ்மீரில் முடிவடைந்த நிலையில் தற்போது சென்னையில் அடுத்த கட்ட படப்பிடிப்பு நடைபெற்று வருகிறது. இதில் விஜய், சஞ்சய் தத் உள்பட பலர் கலந்து கொண்டதாகவும் அதிரடி ஆக்ஷன் காட்சிகள் மற்றும் ரொமான்ஸ் காட்சிகள் படமாக்கப்பட்டு வருவதாகவும் கூறப்படுகிறது.

இந்த நிலையில் கடந்த சில நாட்களாக ’பொன்னியின் செல்வன் 2’ படத்தின் புரோமோஷன் பணிகளுக்கு சென்றிருந்த நடிகை த்ரிஷா தற்போது ’லியோ’ படத்தின் படப்பிடிப்பில் இணைந்து உள்ளார். அவர் படப்பிடிப்பில் கலந்து கொள்ள வந்த போது படக்குழுவினர் அவருக்கு சர்ப்ரைஸ் அளிக்கும் விதமாக பிறந்தநாள் கேக் ஏற்பாடு செய்திருந்தனர்.

கடந்த நான்காம் தேதி நடிகை த்ரிஷா தனது 40வது பிறந்தநாளை கொண்டாடிய நிலையில் விஜய்யுடன் த்ரிஷா இருக்கும் சிறப்பு போஸ்டர் படக்குழுவினர் வெளியிட்டனர். இந்த நிலையில் தற்போது மீண்டும் அவர் ’லியோ’ படத்தின் படப்பிடிப்புக்கு வந்த போது பிறந்தநாள் கேக் ஏற்பாடு செய்து அவரை சர்ப்ரைஸ் அடைய செய்தனர். இதனை அடுத்து அந்த கேக்கை வெட்டி ’லியோ’ படக்குழுவினர்களுடன் நடிகை த்ரிஷா தனது பிறந்தநாளை கொண்டாடினார் என்பது குறிப்பிடத்தக்கது.

வரும் அக்டோபர் 19ஆம் தேதி ரிலீசாகும் என்று அறிவிக்கப்பட்டுள்ள 'லியோ’ படத்தில் விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் நடித்து வருகின்றனர். இந்த படத்தை பெரும் பொருட்செலவில் லலித் தயாரித்து வருகிறார். பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.