close
Choose your channels

'ఎల్కేజీ' ట్రైలర్: లక్ష్మణ్ సెంచరీ కొడితే ఒకలా.. మత్స్యకారుడు చనిపోతే మరోలా..

Tuesday, June 22, 2021 • తెలుగు Comments

ఎల్కేజీ ట్రైలర్: లక్ష్మణ్ సెంచరీ కొడితే ఒకలా.. మత్స్యకారుడు చనిపోతే మరోలా..

ఆర్జే బాలాజీ స్వీయ దర్శకత్వంలో తెరకెక్కిన చిత్రం ఎల్కేజీ. బాలాజీ ప్రస్తుతం సెటైరికల్ మూవీస్ పై ఫోకస్ పెట్టాడు. గత ఏడాది నయనతార, బాలాజీ ప్రధాన పాత్రల్లో నటించిన అమ్మోరు తల్లి చిత్రం ఓటిటిలో విడుదలై మంచి రెస్పాన్స్ అందుకుంది. ఈ చిత్రంలో బాలాజీ దొంగ బాబాలపై సెటైర్స్ వేశాడు.

తాజాగా ఎల్కేజీ చిత్రంతో వస్తున్నాడు. ఈ చిత్రం తమిళంలో 2019లోనే విడుదలై ఘనవిజయం సాధించింది. ఈ మూవీలో బాలాజీ, ప్రియా ఆనంద్ ప్రధాన పాత్రల్లో నటించారు. ఈ చిత్ర తెలుగు వర్షన్ ఆహా ఓటిటి లో జూన్ 25న రిలీజ్ కు రెడీ అవుతోంది. తాజాగా ట్రైలర్ రిలీజ్ అయింది.

ఈ మూవీలో బాలాజీ పొలిటికల్, మీడియా వ్యవస్థపై వ్యంగ్యాస్త్రాలు సంధిస్తున్నారు. ట్రైలర్ విశేషంగా ఆకట్టుకుంటోంది. సినిమాపై ఆసక్తిని పెంచేలా ట్రైలర్ ఉంది. ' లక్ష్మణ్ సెంచరీ చేస్తే ఇండియన్ క్రికెటర్ లక్ష్మణ్ సెంచరీ అని మీడియాలో వేస్తారు. తెలుగు క్రికెటర్ అని రాయరు కదా. అదే ఒక మత్స్య కారుడు హత్యకు గురైతే తెలుగు మత్స్యకారుడు మృతి అని వేస్తారు ఎందుకు ? అని బాలాజీ మీడియాని ఈ చిత్రంలో నిలదీస్తున్నారు.

రాజకీయాలపై బాలాజీ వేస్తున్న సెటైర్లు మంచి ఫన్ జనరేట్ చేసే విధంగా ఉన్నాయి. ప్రస్తుతం రాజకీయాల్లో ఉన్న కొందరు పొలిటీషియన్స్ ని ప్రతిభింబించేలా ట్రైలర్ లో కొన్ని షాట్స్ ఉన్నాయి. లియోన్ జేమ్స్ ఈ చిత్రానికి సంగీత దర్శకుడు.

Get Breaking News Alerts From IndiaGlitz