'ரெளடி பேபி'க்கு கிடைத்த மகத்தான பெருமை!
- IndiaGlitz, [Sunday,June 02 2019]
தனுஷ், சாய்பல்லவி நடிப்பில் இயக்குனர் பாலாஜி மோகன் இயக்கிய 'மாரி 2' திரைப்படம் கடந்த ஆண்டு டிசம்பர் மாதம் 21ஆம் தேதி வெளியானது. இந்த படம் எதிர்பார்த்த வெற்றியை பெறவில்லை என்றாலும் இந்த படத்தில் இடம்பெற்ற 'ரெளடி பேபி' பாடல் யூடியூபில் அவ்வப்போது பார்வையாளர்களின் எண்ணிக்கையில் சாதனை புரிந்து வந்தது.
யுவன்ஷங்கர் ராஜாவின் இசையில் உருவான இந்த பாடல் தற்போது 500 மில்லியன் பார்வையாளர்களை பெற்றது. தென்னிந்திய மொழிகளில் வெளிவந்த பாடல் ஒன்று முதல்முறையாக 500 மில்லியன் பார்வையாளர்களை பெற்றுள்ளது என்பது குறிப்பிடத்தக்கது.
இதுகுறித்து தனுஷின் வொண்டர்பார் பிலிம்ஸ் நிறுவனத்தின் சமூக வலைத்தள பக்கத்தில், 'இந்த சாதனை ஏற்படுத்த காரணமாக இருந்த அனைவருக்கும் நன்றி என பதிவு செய்யப்பட்டுள்ளது. மேலும் இந்த பாடல் வெளியான 16 நாட்களில் 100 மில்லியன் பார்வையாளர்களையும் 41 நாட்களில் 200 மில்லியன் பார்வையாளர்களையும் 69 நாட்களில் 300 மில்லியன் பார்வையாளர்களையும் 104 நாட்களில் 400 மில்லியன் பார்வையாளர்களையும் 157 நாட்களில் 500 மில்லியன் பார்வையாளர்களையும் பெற்றுள்ளது. இதே ரீதியில் சென்றால் இன்னும் ஆறு மாதங்களில் 1000 மில்லியன் பார்வையாளர்களையும் இந்த பாடல் பெற்றாலும் ஆச்சரியப்படுவதற்கில்லை என்றே கூறப்படுகிறது.