இந்த வாரம் சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படம் திரையரங்கில் வெளியாகும் நிலையில் ஓடிடியில் இரண்டு சூப்பர் ஹிட் படங்கள் வெளியாக இருப்பதை அடுத்து சினிமா ரசிகர்களுக்கு இந்த வாரம் கொண்டாட்டம் என்று கூறலாம்.

சரத்குமார், அசோக் செல்வன், நிகிலா விமல், நிழல்கள் ரவி, சரத்பாபு உள்ளிட்ட பலர் நடிப்பில் உருவான ’போர் தொழில்’ என்ற திரைப்படம் கடந்த ஜூன் 9ஆம் தேதி திரையரங்குகளில் வெளியானது. இந்த படம் எதிர்பாராத வகையில் மிகப்பெரிய வெற்றி பெற்றது என்பது இந்த படம் 50 கோடி ரூபாய் வசூலை வாரி குவித்தது என்பது குறிப்பிடத்தக்கது. இந்த நிலையில் இந்த படம் சோனி லைவ் ஓடிடியில் இந்த வாரம் வெளியாக உள்ளது

அதேபோல் சிவகார்த்திகேயன் நடிப்பில் மடோன் அஸ்வின் இயக்கத்தில் உருவான ’மாவீரன்’ திரைப்படம் கடந்த மாதம் 14ஆம் தேதி திரையரங்குகளில் வெளியான நிலையில் இந்த படம் இந்த வாரம் அமேசான் பிரைமில் ஒளிபரப்பாக உள்ளது. இந்த இரண்டு தமிழ் படங்களும் ரசிகர்கள் மனதை கவரும் என்று எதிர்பார்க்கப்படுகிறது. அதேபோல் அம்மு அபிராமி நடித்த ’வான் மூன்று’ என்ற திரைப்படம் ஆஹா ஓடிடியில் வெளியாகவுள்ளது.

மேலும் ‘பத்மினி’ என்ற மலையாள படம் நெட்பிளிக்ஸ் ஓடிடியில், ‘நெய்மர்’ என்ற மலையாள படம் ஹாட்ஸ்டார் ஓடிடியில் வெளியாகவுள்ளது. மேலும் ‘ஹிடிம்பா’ என்ற தெலுங்கு படம் ஆஹா ஓடிடியில், ‘கமாண்டோ’ என்ற இந்தி படம் ஹாட் ஸ்டார் ஓடிடியில் வெளியாகிறது.