పవర్ స్టార్ కోసం స్టోరీ రెడీ చేస్తున్న మహేష్ డైరెక్టర్..!
- IndiaGlitz, [Friday,September 30 2016]
పవర్ స్టార్ కోసం స్టోరీ రెడీ చేస్తున్న మహేష్ డైరెక్టర్ ఎవ‌రో కాదు...బ్లాక్ బ‌ష్ట‌ర్ డైరెక్టర్ కొర‌టాల శివ. మిర్చి సినిమాతో ప్ర‌భాస్ కి, శ్రీమంతుడు సినిమాతో మహేష్ కి, జ‌న‌తా గ్యారేజ్ తో ఎన్టీఆర్ కి కెరీర్ బెస్ట్ మూవీస్ అందించి ఇండ‌స్ట్రీలో అనతి కాలంలోనే సెన్సేష‌న్ క్రియేట్ చేసాడు కొర‌టాల. తాజాగా సూప‌ర్ స్టార్ మహేష్ తో కొర‌టాల శివ ఓ సినిమా చేయ‌నున్నారు.
ఈ చిత్రం జ‌న‌వ‌రిలో ప్రారంభం కానుంది. మహేష్. - కొర‌టాల కాంబినేష‌న్లో రూపొందే ఈ భారీ చిత్రాన్ని డి.వి.వి.దాన‌య్య నిర్మిస్తున్నారు. ఇదిలా ఉంటే...పవర్ స్టార్ పవన్ క‌ళ్యాణ్ కోసం కొర‌టాల శివ ఓ క‌థ‌ను రెడీ చేస్తున్న‌ట్టు స‌మాచారం. సోష‌ల్ మెసేజ్ ఉండేలా డిఫ‌రెంట్ స్టోరీ రెడీ చేస్తున్నాడ‌ట. ఇదే క‌నుక నిజ‌మైతే...పవన్ - కొర‌టాల కాంబినేష‌న్లో రూపొందే చిత్రం చ‌రిత్ర సృష్టించ‌డం ఖాయం..!