డిఫరెంట్ క్యారెక్టర్తో మహేష్
- IndiaGlitz, [Tuesday,May 21 2019]
సూపర్స్టార్ మహేష్ అంటే ఎలా ఉండాలి? పక్కా మాస్, క్లాస్ కలగలిసిన హీరో. అభిమానులకు, నిర్మాతలకు బాక్సాఫీస్ బొనాంజా. తమ హీరోను ఏ మాత్రం తక్కువగా చేసి చూపినా అభిమానులు అస్సలు ఒప్పుకోరు.
కానీ దర్శకుడు అనీల్ రావిపూడి ఓ సాహసం చేయబోతున్నాడట. హీరో మహేష్ను కొత్తకోణంలో చూపించబోతున్నాడట. మహేష్, అనీల్ రావిపూడి కాంబినేషన్లో జూలై నుండి కొత్త సినిమా ప్రారంభం కాబోయే సంగతి తెలిసిందే.
తాజా సమాచారం ప్రకారం ఈ చిత్రంలో మహేష్ హిమో ఫోబిక్ వ్యక్తిగా కనపడతాడట. అంటే రక్తాన్ని చూసి భయపడే వక్తి పాత్రలో మహేష్ మెప్పించనున్నారు. అదేంటి మహేష్ పోలీస్ ఆఫీసర్ అంటున్నారు. మరి అతను హిమో ఫోబిక్గా ఎలా ఉంటాడు? అనిపించొచ్చు. కానీ దీన్నే అనీల్ రావిపూడి కామెడీ యాంగిల్లో చూపించబోతున్నాడట ఈ డైరెక్టర్.