చెన్నైకి చేరుకున్న మహేష్
- IndiaGlitz, [Tuesday,August 04 2015]
సూపర్ స్టార్ మహేష్ హీరోగా కొరటాల శివ దర్శకత్వంలో రూపొందిన చిత్రం శ్రీమంతుడు'. శృతిహాసన్ హీరోయిన్ గా నటించిన ఈ చిత్రంలో జగపతిబాబు, రాజేంద్రప్రసాద్, సుకన్య తదితరులు కీలకపాత్రల్లో నటించారు. ఈ సినిమా ఆగస్ట్ 7న వరల్డ్ వైడ్ గా హై రేంజ్ లో రిలీజ్ అవుతుంది. తెలుగుతో పాటు తమిళంలో కూడా సినిమా ఒకేరోజున విడుదల కానుండటం విశేషం.
ఇప్పటి వరకు మహేష్ కి తమిళనాట క్రేజ్ ఉన్నప్పటికీ తను నటించిన సినిమాలేవీ తెలుగుతోపాటు తమిళంలో ఒకేరోజున విడుదల కాలేదు. తాజాగా శ్రీమంతుడు' చిత్రం ఆ క్రెడిట్ దక్కించుకుంది. ఈ సినిమా తమిళ ఆడియో విడుదల ఆగస్ట్ 4న చెన్నైలో జరగనుంది. అందుకోసం మహేష్ అల్రెడీ చెన్నై కూడా చేరుకున్నాడు.