close
Choose your channels

சுற்றுச்சூழல் தினத்தில் 'தங்கலான்' நாயகி செய்த வேறலெவல் சேட்டை… வைரல் வீடியோ!

Tuesday, June 6, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தென்னிந்திய சினிமாவில் முன்னணி நடிகைகளுள் ஒருவராக இருந்துவரும் நடிகை மாளவிகா மோகனன் சுற்றுச்சூழல் தினத்தை இப்படியும் கொண்டாடலாம் என்று ரசிகர்களுக்கு காட்டும் விதமாக வீடியோ ஒன்றை வெளியிட்டுள்ளார். இந்த வீடியோவை பார்த்த நெட்டிசன்கள் பலரும் அவருக்கு பாராட்டுகளைத் தெரிவித்து வருகின்றனர்.

சூப்பர் ஸ்டார் ரஜினிகாந்த் நடிப்பில் வெளியான ‘பேட்ட’ திரைப்படத்தின் மூலம் தமிழ் சினிமாவில் அறிமுகமான நடிகை மாளவிகா மோகனன் அடுத்து தளபதி விஜய் நடிப்பில் வெளியான ‘மாஸ்டர்’ திரைப்படத்தில் நடித்து ரசிகர்களிடையே ஏகபோக வரவேற்பை பெற்றார். தொடர்ந்து நடிகர் தனுஷுடன் இணைந்து ‘மாறன்’ திரைப்படத்திலும் அதேபோல பாலிவுட்டில் ‘யுத்ரா’ திரைப்படத்திலும் நடித்திருந்தார்.

சமீபத்தில் இவருடைய நடிப்பில் ‘கிரிஸ்டி’ என்ற மலையாளத் திரைப்படமும் வெளியாகி இருந்தது. இந்நிலையில் தற்போது பா.ரஞ்சித் இயக்கத்தில் உருவாகி வரும் ‘தங்கலான்’ திரைப்படத்தில் நடிகை மாளவிகா மோகனன் நடித்து வருகிறார். கோலார் தங்கவயல் கதையைப் பின்னணியாகக் கொண்ட இந்தத் திரைப்படம் தனக்கு நல்ல வரவேற்பை கொடுக்கும் என்றும் இந்தத் திரைப்படத்திற்காக ‘சிலம்பம், ஜிம்னாஸ்டிக், ரோலிங், கிக்ஸ், ஜம்ப்ஸ் ஆகியவற்றைக் கற்றுக்கொண்டதாகவும் பேட்டி ஒன்றில் கூறியிருந்தார்.

இந்நிலையில் நடிகை மாளவிகா மோகனன் ஜுன் 6 சுற்றுலா தினத்தை அனுசரிக்கும் விதமாக தன்னுடைய இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார். அதில் அருவி ஒன்றிற்கு அருகில் நிற்கும் இவர் அடுத்து சிறு குழந்தையைப் போன்று தத்தித்தாவி விளையாடியபடியே வனப்பகுதிக்குள் செல்கிறார். இந்த வீடியோதான் தற்போது ரசிகர்களின் மனதைக் கவர்ந்திருக்கிறது.

அதில் சிறுகுழந்தைப் போன்று விளையாடி கொண்டிருக்கும் நடிகை மாளவிகா மோகனனைப் பார்த்த ரசிகர்கள் சிலர் ‘டக் வாக் தான் இப்போ டிரெண்ட்’ என்றும் ‘க்யூட்‘ என்றும் கமெண்டுகளைப் பதிவிட்டு வருகின்றனர்.


 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Welcome to IndiaGlitz comments! Please keep conversations courteous and relevant to the topic. To ensure productive and respectful discussions, you may see comments from our Community Managers, marked with an "IndiaGlitz Staff" label. For more details, refer to our community guidelines.
Login to post comment
Cancel
Comment