'మమాంగం' గురించి మమ్ముట్టి ఏమన్నారంటే?
- IndiaGlitz, [Monday,June 17 2019]
మలయాళ సూపర్స్టార్ మమ్ముట్టి ప్రస్తుతం 'మమాంగం' అనే భారీ హిస్టారికల్ మూవీలో నటిస్తున్నారు. భారీ బడ్జెట్తో రూపొందుతున్న ఈ చిత్రం తెలుగు, తమిళ, మలయాళ, హిందీ భాషల్లో విడుదల కానుంది. ఇది 17వ శతాబ్దానికి చెందిన కథ. జామెరిన్ పాలనలో చావెరుక్కల్ యుద్ధ వీరుల చరిత్రను ఆధారంగా చేసుకుని ఈ సినిమాను తెరకెక్కిస్తున్నారు. ఈ సినిమా కోసం రూ.10 కోట్లతో భారీ సెట్ను నిర్మించారు.
ఈ సినిమా గురించి మమ్ముట్టి మాట్లాడుతూ '' మమాంగం' చిత్రాన్ని రెండు రాజ్యాల మధ్య జరిగిన ఘటనల ఆధారంగా తెరకెక్కిస్తున్నారు. కేరళ సంస్కృతి, సంప్రదాయాలను తెలియజేసే చిత్రమిది'' అన్నారు. షూటింగ గ్యాప్లో కూడా తాను సినిమాలో చేయబోయే సీన్ గురించే ఆలోచిస్తుంటానని లేదా తన కుటుంబం గురించి ఆలోచిస్తుంటానని ఈ సందర్భంగా ఆయన తెలిపారు.