நடிகர் மன்சூர் அலிகான் வேலூர் தொகுதியில் போட்டியிட்ட நிலையில் அந்த தொகுதியில் அவர் வாங்கிய வாக்குகள் குறித்த விவரங்களும், அவரைவிட குறைவாக 24 வேட்பாளர்கள் வாக்குகள் பெற்றுள்ளதாக தகவல் தெரியவந்துள்ளது.

நாடாளுமன்ற தேர்தல் முடிவுகள் இன்று காலை முதல் வெளியாகி கொண்டிருக்கும் நிலையில் இதில் சில திரை உலக பிரபலங்களும் போட்டியிட்டார்கள் என்பதை ஏற்கனவே பார்த்தோம்.

இந்த நிலையில் வேலூர் தொகுதியில் நடிகர் மன்சூர் அலிகான் போட்டியிட்ட நிலையில் அவர் 6 சுற்றுகள் முடிவில் 1547 வாக்குகள் மட்டுமே பெற்றுள்ளார். ஆனால் அவரை விட 24 வேட்பாளர்கள் குறைவான வாக்குகள் பெற்றிருந்தாலும் நோட்டாவை விட மன்சூர் அலிகான் குறைந்த வாக்குகள் பெற்றுள்ளார் என்பது குறிப்பிடத்தக்கது. நோட்டாவுக்கு 4872 கிடைத்துள்ளது என்பதும் நோட்டாவை விட மன்சூர் அலிகான் 3325 வாக்குகள் குறைவாக பெற்றுள்ளார்.

வேலூர் தொகுதியில் திமுக வேட்பாளர் கதிர் ஆனந்த் மூன்று லட்சத்திற்கும் அதிகமான வாக்குகள் பெற்று முன்னிலையில் உள்ளார் என்பதும் பாஜக வேட்பாளர் ஏசி சண்முகம் இரண்டாவது இடத்தில் உள்ளார் என்பதும் குறிப்பிடத்தக்கது.