சமுத்திரகனி இயக்கி நடித்த ’வினோதயா சித்தம்’ என்ற திரைப்படம் கடந்த 2021ஆம் வெளியாகி நல்ல வரவேற்பு பெற்ற நிலையில் இந்த படம் தற்போது தெலுங்கில் ரீமேக் செய்யப்படுவது உறுதி செய்யப்பட்டுள்ளது.

இந்த படத்தில், உதவி ஜெனரல் மேனேஜராக இருக்கும் தம்பி ராமையா திடீரென ஒரு விபத்தில் இறந்துவிட, அவர் மேலோகம் செல்லும்போது கடவுள் சமுத்திரக்கனி அவருக்கு ஒரு வாய்ப்பு கொடுக்கிறார். தம்பி ராமையா தனது குடும்பச் சுமைகளை நிறைவேற்றிவிட்டு மீண்டும் 90 நாட்களுக்குள் திரும்பி வரவேண்டும் என்று நிபந்தனை விதிக்கிறார். மேலும் அதுவரை தம்பி ராமையா கூடவே தானும் இருப்பேன் என்று சொல்கிறார். அதன் பிறகு என்ன நடந்தது என்பதுதான் இந்த படத்தின் வித்தியாசமான கதை.

இந்த படம் கொரோனா வைரஸ் ஊரடங்கு நேரத்தில் ஓடிடியில் வெளியாகி நல்ல வரவேற்பு பெற்ற நிலையில் தற்போது இந்த படம் தெலுங்கில் ரீமேக் ஆகிறது. சமுத்திரக்கனி வேடத்தில் தெலுங்கு திரை உலகின் மாஸ் நடிகர் பவன் கல்யாண் நடிக்க உள்ளார் என்பது தான் ஆச்சரியமான தகவல்.

அதே போல் தம்பி ராமையா கேரக்டரில் பவன் கல்யாணின் நெருங்கிய உறவினரான சாய்தரம் தேஜ் என்பவர் நடிக்க உள்ளார். இந்த படத்தின் பூஜையுடன் கூடிய படப்பிடிப்பு இன்று தொடங்கிய நிலையில் இது குறித்த புகைப்படங்கள் இணையதளங்களில் வைரல் ஆகி வருகிறது.

'THE BEST DAY' I would cherish forever.
It's a dream come true to work with my Guru for life @PawanKalyan ❤️
Grateful at this amazing opportunity & Can't wait for a big chunk of learning and memories.@thondankani @vishwaprasadtg @vivekkuchibotla @peoplemediafcy @ZeeStudios_ pic.twitter.com/q52FFy2kbk

— Sai Dharam Tej (@IamSaiDharamTej) February 22, 2023