பெராரி காரா, மெட்ரோ ரயிலா, எது சிறந்தது? தமிழ் நடிகரின் பதிவு
- IndiaGlitz, [Tuesday,December 22 2020]
சென்னை மக்களுக்கு கிடைத்த வரப்பிரசாதங்களில் ஒன்று மெட்ரோ ரயில் என்பதும் குறைந்த கட்டணத்தில் மிக விரைவாக எந்தவித போக்குவரத்து இடையூறுமின்றி செல்ல வேண்டிய இடத்திற்கு சரியான நேரத்தில் செல்வதற்கு மெட்ரோ ரயில் மிகவும் உதவிகரமாக இருக்கிறது என்பதும் தெரிந்ததே. நாளுக்கு நாள் மெட்ரோ ரயிலுக்கு ஆதரவு பொதுமக்களிடையே குவிந்து வருகிறது என்பது குறிப்பிடத்தக்கது
இந்த நிலையில் தமிழ் நடிகர் ரகுமான் அவர்கள் தான் எப்போதும் விமான நிலையத்தில் இருந்து வீட்டுக்கு வருவதற்கு மெட்ரோ ரயிலை தான் பயன்படுத்துகிறேன் என்று கூறியுள்ளார். அவர் இது குறித்து தனது சமூக வலைத்தளத்தில் ’ஒவ்வொரு முறை நான் சென்னை விமான நிலையத்திற்கு செல்வதற்கும், சென்னை விமான நிலையத்தில் இருந்து வீட்டுக்கு வருவதற்கும் மெட்ரோ ரயிலையே நான் பயன்படுத்துகிறேன்
மெட்ரோ ரயிலில் பயணம் செய்தால் பெராரி காரை விட வெகு வேகமாக வீட்டிற்கு வந்துவிடலாம். அதுமட்டுமின்றி மெட்ரோ ரயில் சுத்தமாகவும் வசதியாகவும் மாசு இல்லாமலும் மிக வேகமாகவும் செல்லும் வகையிலும் உள்ளது என்றும், மெட்ரோ ரயில் தான் சென்னையில் உள்ளூர் பயணத்துக்கு மிகவும் சிறந்தது என்று அவர் கூறியுள்ளார்
மேலும் அவர் மெட்ரோ ரயில் நிலையத்தில் இருக்கும் புகைப்படத்தையும் அவர் பதிவு செய்துள்ளார் என்பது குறிப்பிடத்தக்கது. நடிகர் ரகுமானின் இந்த பதிவு தற்போது சமூக வலைத்தளத்தில் வைரலாகி வருகிறது