மெர்சல் காளையுடன் இணையும் துள்ளி வரும் மான்
- IndiaGlitz, [Friday,October 13 2017]
தளபதி விஜய் நடித்த 'மெர்சல்' திரைப்படம் அனைத்து தடைகளையும் தகர்த்து வரும் தீபாவளி தினத்தில் உலகம் முழுவதும் பிரமாண்டமாக வெளிவருவது உறுதி என்றும், தீபாவளி அன்று ரிலீஸ் செய்ய அனைத்து ஏற்பாடுகளும் தயார் என்றும் தயாரிப்பு தரப்பு உறுதி செய்துள்ளது.
இந்த நிலையில் தீபாவளி அன்று 'மெர்சல்' ரிலீஸ் உறுதி என்றால் ஏற்கனவே அறிவிக்கப்பட்டிருந்த சசிகுமாரின் 'கொடிவீரன்' உள்பட மற்ற படங்களின் ரிலீசும் உறுதி என்று எடுத்து கொள்ளலாம்
இந்த நிலையில் பிரபல இயக்குனர் கார்த்திக் சுப்புராஜ் தயாரிப்பில் உருவாகியுள்ள 'மேயாத மான்' திரைப்படமும் தீபாவளி அன்று ரிலீஸ் ஆகவுள்ளதாக அறிவிக்கப்பட்டுள்ளது. இன்று ரிலீஸ் தேதியுடன் வெளிவந்துள்ள இந்த படத்தின் புதிய போஸ்டரில் 'மெர்சலான காளை வருதுங்க! கூடவே...துள்ளி மானும் வருதுங்க! என்று விளம்பரப்படுத்தப்பட்டுள்ளது.
வைபவ், பிரியா பவானிசங்கர், விவேக் பிரசன்னா உள்ளிட்ட பலர் நடித்துள்ள இந்த படத்தை ரத்னகுமார் இயக்கியுள்ளார். சந்தோஷ் நாராயணன் இசையில் இந்த படம் உருவாகியுள்ளது.