தல அஜித்தின் 'விஸ்வாசம்' படத்தின் செகண்ட்லுக் இன்று காலை வெளிவந்து இணையதளங்களையும், சமூக வலைத்தளங்களையும் ஸ்தம்பிக்க வைத்தது என்பது தெரிந்ததே. 'விஸ்வாசம்' செகண்ட்லுக் வெளிவந்த ஒருசில நிமிடங்களில் இதுகுறித்த ஹேஷ்டேக் டுவிட்டரில் உலக அளவில் டிரெண்ட் ஆனது. அதுமட்டுமின்றி செகண்ட்லுக்கின் போஸ்டர்கள் அஜித்தின் கோட்டையான மதுரை உள்பட அனைத்து நகரங்களிலும் ஒருசில நிமிடங்களில் ஒட்டப்பட்டது.

இந்த நிலையில் மதுரையை சேர்ந்த அஜித் ரசிகர்கள் 'விஸ்வாசம்' செகண்ட்லுக் போஸ்டருக்கு பாலாபிஷேகம் செய்ய ஏற்பாடு செய்தனர். பாலாபிஷேகம் செய்வதற்காக பிரத்யேகமாக யானையை யானைப்பாகனுடன் அழைத்து வந்து யானையால் பாலாபிஷேகம் செய்ய வைத்தனர். இதுகுறித்த வீடியோ சமூக வலைத்தளங்களில் வைரலாகி வருகிறது.

தமிழ் சினிமா வரலாற்றில் இதற்கு முன் ஒரு சினிமா பட போஸ்டருக்கு யானையால் பாலாபிஷேகம் செய்யப்பட்டிருக்குமா? என்பது சந்தேகமே!

இந்த மாதிரி நான் பாத்ததே இல்ல. தலஃபேன்ஸ் வேற லெவல் ??????#ViswasamSecondLook #ViswasamThiruvizha pic.twitter.com/hzw0oowDbm

— அனிதா ♡ (@anithatalks) October 25, 2018