நடிகர் விஜய் அதிகாரப்பூர்வமாக அரசியல் கட்சியை தொடங்கியுள்ளார் என்பதும் தமிழக வெற்றி கழகம் என்ற அவரது கட்சியின் பெயர் தற்போது இணையத்தில் வைரல் ஆகி வருகிறது என்பதை பார்த்து வருகிறோம்.

விஜய் தனது அரசியல் கட்சி பெயரை அறிவித்த ஒரு சில நிமிடங்களில் சமூக வலைதளங்களில் இந்திய அளவில் டிரெண்டாகி வருகிறது என்பதும் ஆயிரக்கணக்கான பதிவுகள் இதுகுறித்து பதிவாகி வருகிறது என்பதும் குறிப்பிடத்தக்கது,.

இந்த நிலையில் விஜய் அரசியல் வருகை அரசியல் தலைவர்களை கதிகலங்க வைத்துள்ளதாக கூறப்படும் நிலையில் முன்னாள் அமைச்சர் ஜெயக்குமார், விஜய் அரசியல் கட்சி குறித்து கருத்து தெரிவித்ததை பார்த்தோம்.

இந்த நிலையில் தற்போது நாம் தமிழர் கட்சியின் ஒருங்கிணைப்பாளர் சீமான் கருத்து தெரிவித்துள்ளார். அவர் விஜய்யின் அரசியல் கட்சி குறித்து கூறிய போது ’தமிழக வெற்றிக்கழகம்’ என்ற பெயர் நன்றாக இருக்கிறது, வரவேற்கிறேன். கட்சியின் பெயரில் திராவிடம் என்று இல்லாததே பெரிய மாறுதல்தான். அவருக்கான வாக்குகள் அவருக்கு, எனக்கான வாக்குகள் எனக்கு என்று பேட்டி அளித்துள்ளார்.