'நானே வருவேன்' படத்திற்கும் இவர்தான் வில்லனா? ஆச்சரியத்தில் ரசிகர்கள்!
- IndiaGlitz, [Sunday,March 06 2022]
தனுஷ் நடிப்பில் உருவாகி வரும் 'நானே வருவேன்’ படத்திற்கும் வில்லன் ஒரு பிரபல இயக்குனர் தான் என்பது தற்போது தெரியவந்துள்ளது.
பிரபல இயக்குனர் செல்வராகவன் இயக்கத்தில் தனுஷ் நடிப்பில் உருவாகி வரும் படம் ’நானே வருவேன்’. இந்த படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது
இந்த நிலையில் இந்த படத்தை இயக்குவது மட்டுமின்றி இந்த படத்தில் வில்லனாகவும் செல்வராகவன் நடிக்க இருப்பதாக தகவல்கள் வெளியாகியுள்ளன. நேற்று செல்வராகவன் தனது பிறந்தநாளை கொண்டாடியதை அடுத்து அவருக்கு திரையுலக பிரபலங்கள் பலர் வாழ்த்து தெரிவித்தனர். அந்தவகையில் தயாரிப்பாளர் கலைப்புலி எஸ்.தாணு தனது டுவிட்டரில் ’இயக்கத்தில் சிகரம் தொட்ட செல்வராக்வன் நடிப்பிலும் சிகரம் தொட வாழ்த்துக்கள்’ என கூறியதோடு, ‘நானே வருவேன்’ புதிய போஸ்டரையும் வெளியிட்டுள்ளார்.
அந்த போஸ்டரில் தனுசுடன் செல்வராகவனின் அட்டகாசமான போஸ் உள்ளதை அடுத்து இந்த படத்தில் செல்வராகவன் வில்லனாக நடிப்பது கிட்டத்தட்ட உறுதி செய்யப்பட்டுள்ளதாக கருதப்படுகிறது. ஏற்கனவே விஜய்யின் ‘பீஸ்ட்’ படத்தில் அவர் வில்லனாக நடிப்பதாக கூறப்பட்டது என்பதும் சாணிக்காகிதம் என்ற படத்தில் முக்கிய வேடத்தில் நடித்துள்ளார் என்பதும் தெரிந்ததே.
இயக்கத்தில் சிகரம் தொட்ட @selvaraghavan நடிப்பிலும் சிகரம் தொட வாழ்த்துக்கள். #NaaneVaruven #HappyBirthdaySelvaraghavan @dhanushkraja @thisisysr pic.twitter.com/g7wIELgWfK
— Kalaippuli S Thanu (@theVcreations) March 5, 2022