క‌న్న‌డ సినిమాలో న‌ట‌సింహ
- IndiaGlitz, [Monday,January 14 2019]
న‌ట‌సింహ నంద‌మూరి బాలకృష్ణ క‌న్న‌డ సినిమాలో న‌టించనున్నారా? అంటే సినీ వ‌ర్గాలు అవున‌నే అంటున్నాయి. న‌ర్త‌న్ దర్శకత్వంలో క‌న్న‌డ సూప‌ర్‌స్టార్ శివ‌రాజ్‌కుమార్ 125వ చిత్రం 'భైర‌తి ర‌ణ‌గ‌ల్‌' రూపొంద‌నుంది. ఈ సినిమాలో నంద‌మూరి బాలకృష్ణ న‌టించబోతున్నార‌నే వార్త సోష‌ల్ మీడియాలో తెగ హ‌ల్ చేస్తుంది.
బాలకృష్ణ 100వ చిత్రం 'గౌత‌మిపుత్ర శాత‌క‌ర్ణి'లో శివ‌రాజ్‌కుమార్ ఓ కీల‌క పాత్ర‌లో న‌టించిన సంగ‌తి తెలిసిందే. అందుకు ప్ర‌తిగా ఆయ‌న చిత్రంలో బాలకృష్ణ అతిథి పాత్ర‌లో న‌టించ‌బోతున్నార‌ట. మ‌రి దీనిపై బాలకృష్ణ స‌న్నిహిత వ‌ర్గాలు ఎలా స్పందిస్తాయో చూడాలి. బాలకృష్ణ ఇప్పుడు త‌న తండ్రి ఎన్టీఆర్ బ‌యోపిక్ రెండో భాగం 'యన్.టి.ఆర్ మ‌హానాయ‌కుడు' చిత్రీక‌ర‌ణ‌లో బిజీగా ఉన్నారు. ఈ సంక్రాంతి ఆ 'యన్.టి.ఆర్ కథానాయకుడు' విడుద‌లైన సంగ‌తి తెలిసిందే.