நயன்தாராவின் அடுத்த பட டைட்டில் இதுதான்!
- IndiaGlitz, [Tuesday,August 31 2021]
லேடி சூப்பர் ஸ்டார் நயன்தாரா தற்போது சூப்பர் ஸ்டார் ரஜினியின் ’அண்ணாத்த’ மற்றும் விக்னேஷ் சிவனின் ‘காத்துவாக்குல ரெண்டு காதல்’ உள்பட 4 தமிழ் படங்களில் நடித்து வருகிறார் என்பதும் அதேபோல் ‘காட்பாதர்’ என்ற தெலுங்கு படத்தில் சிரஞ்சீவியுடன் நடித்து வருகிறார் என்பதும் தெரிந்ததே
இந்த நிலையில் மலையாளத்தில் ஒரு திரைப்படத்தில் நடிக்க நயன்தாரா ஒப்புக் கொண்டுள்ளார் என்று கூறப்படுகிறது. பிரபல இயக்குனர் அல்போன்ஸ் புத்திரன் இயக்கத்தில் பிரித்திவிராஜ் கதாநாயகனாக நடிக்கும் படத்தில் தான் நயன்தாரா நடிக்க உள்ளதாகவும் நீண்ட இடைவெளிக்கு பின்னர் பிருதிவிராஜ் - நயன்தாரா ஜோடி சேருகிறார்கள் என்றும் கூறப்படுகிறது
இந்த படத்தின் படப்பிடிப்பு அடுத்த மாத இறுதியில் தொடங்க இருப்பதாக தகவல்கள் வெளிவந்துள்ளன. இந்த நிலையில் இந்த படத்திற்கு ‘கோல்ட்’ என்ற டைட்டில் வைக்கப்பட்டுள்ளதாகவும் இந்த டைட்டில் மற்றும் பர்ஸ்ட் லுக் போஸ்டர் விரைவில் வெளியாகும் என்றும் கூறப்படுகிறது
ஏற்கனவே அல்போன்ஸ் புத்திரன் இயக்கத்தில் பகத்பாசில் மற்றும் நயன்தாரா நடிக்கவிருப்பதாக ஒரு தகவல் வெளிவந்தது. ‘பாட்டு’ என்ற டைட்டில் கொண்ட இந்த படத்தின் படப்பிடிப்பு ‘கோல்ட்’ படப்பிடிப்பு முடிந்தவுடன் தொடங்கும் என்று கூறப்படுகிறது.