பிக் பாஸ் நிகழ்ச்சி கடந்த ஒரு மாதமாக விறுவிறுப்பாக சென்று கொண்டிருந்த நிலையில் ஃபைனல் போட்டியாளர்களாக வரும் தகுதி உடையவர் என்று பிரதீப் ஆண்டனி கருதப்பட்டார். நேர்மையாக பேசுபவர், உண்மையை பேசுபவர், நேருக்கு நேர் எதையும் பேசுபவர் என்று மக்கள் மத்தியில் அவருக்கு நல்ல பெயர் வந்தது.

ஆனால் அவரை நேரடியாக எதிர்க்க முடியாத சக போட்டியாளர்கள் வாய்ப்பு கிடைத்த போது ரெட் கார்ட் என்ற ஆயுதத்தை பயன்படுத்தி வெளியேற்றி விட்டனர். பிரதீப் பிக்பாஸ் வீட்டில் இருந்தால் பெண்களுக்கு ஆபத்து என்று கிட்டத்தட்ட பிக்பாஸ் வீட்டில் உள்ள போட்டியாளர்கள் அனைவரும் கூறியதை அடுத்து பெரும்பான்மை வாக்குப்படி கமல்ஹாசன் அவரை நேற்று வெளியேற்றி விட்டார்.

பிரதீப் வெளியேற்றப்பட்டதை அடுத்து சமூக வலைதளங்களில் அவரது ஆதரவாளர்கள் கடும் கண்டனத்தை தெரிவித்து தெரிவித்து வருகின்றனர். பிரதீப் இடம் தன்னிலை விளக்கம் கேட்டு இருக்கலாம் என்றும் அவர் வெளியேற்றப்பட்டது நியாயமே இல்லை என்றும் நெட்டிசன்கள் பதிவு செய்து வருகின்றனர்.

இருப்பினும் பிரதீப் வைல்ட் கார்டு என்ட்ரியாக வருவார் என்று ஒரு சிலர் கூறினாலும் அதற்கு வாய்ப்பே இல்லை என்று தான் கூறப்பட்டு வருகிறது. மொத்ததில் டைட்டில் வின்னருக்கு தகுதி உள்ள ஒரு போட்டியாளரை அநியாயமாக வெளியேற்றி விட்டதாகவே இந்த நிகழ்ச்சியை தொடர்ந்து பார்த்து வரும் பலரின் கருத்தாக உள்ளது என்பது குறிப்பிடத்தக்கது.