సంజయ్‌దత్‌కు కొత్త సమస్య
- IndiaGlitz, [Wednesday,July 31 2019]
సీనియర్ బాలీవుడ్ హీరో, నటుడు సంజయ్ దత్ ప్రస్తుతం తెలుగు నుండి హిందీలోకి రీమేక్ అవుతున్న 'ప్రస్తానం' రీమేక్‌లో నటిస్తున్నారు. తెలుగులో ప్రస్థానం సినిమాను డైరెక్ట్ చేసిన దేవాకట్టానే బాలీవుడ్ ప్రస్థానంను కూడా డైరెక్ట్ చేస్తున్నారు. ఈ సినిమా టీజర్‌ను సంజయ్ దత్ పుట్టినరోజు సందర్భంగా విడుదల చేసిన సంగతి తెలిసిందే. అయితే ప్రముఖ బాలీవుడ్ నిర్మాణ సంస్థ షీమార్ ఎంటర్‌టైన్మెంట్స్ బ్యానర్ 'ప్రస్థానం' కథా హక్కులు తమ దగ్గర ఉన్నాయంటూ నిర్మాతల్లో ఒకరైన సంజయ్ దత్‌కు లీగల్ నోటీసులు పంపారు. సంజయ్‌తో గతంలోనూ ఈ విషయంపై చర్చించినా ఆయనేం పట్టించుకోకుండా సినిమాను నిర్మిస్తున్నారంటూ స సదరు సంస్థ పేర్కొంది. మరి ఈ వార్తలపై దేవాకట్టా, సంజయ్ దత్ ఎలా స్పందిస్తారో వేచి చూడాలి.