பிரபுதேவாவுடன் திருமணமா? நடிகை நிகிஷா பட்டேல் விளக்கம்
- IndiaGlitz, [Saturday,May 12 2018]
பிரபல நடிகர் பிரபுதேவாவை திருமணம் செய்ய விரும்புவதாக சமீபத்தில் நடிகை நிகிஷா பேட்டி ஒன்றில் கூறியிருந்ததாக கிட்டத்தட்ட அனைத்து ஊடகங்களிலும் செய்தி வெளியானது. ஏற்கனவே நயன்தாரா உள்பட ஒருசில நடிகைகளுடன் திருமணம் என்று கிசுகிசுக்கப்பட்ட நிலையில் பிரபுதேவாவுடன் திருமணம் என்று நிகிஷா கூறியது உண்மையா என்பது குறித்து நமக்கு அளித்த பிரத்யேக பேட்டியில் நிகிஷா கூறியதாவது:
கடந்த சில நாட்களாக நான் பிரபுதேவாவை திருமணம் செய்து கொள்வதாக வெளிவந்து கொண்டிருக்கும் செய்தியில் உண்மை இல்லை. நான் பிரபுதேவா போன்ற ஒரு நபரை திருமணம் செய்வேன் என்று தான் கூறினேன். நான் கூறியது தவறாக புரிந்து கொள்ளப்பட்டு இந்த வதந்தி பரவியுள்ளதாக நிகிஷா விளக்கமளித்து வதந்திக்கு முற்றுப்புள்ளி வைத்தார்.
மேலும் பிரபுதேவா குடும்பமும் தன்னுடைய குடும்பமும் மிகவும் நெருக்கமானது என்று வெளிவந்த தகவலிலும் உண்மையில்லை என்றும், பிரபுதேவா தன்னுடைய நல்ல நண்பர்களில் ஒருவர் மட்டுமே உண்மை என்றும் நிகிஷா கூறினார். தற்போது தனுஷ் தந்தை கஸ்தூரிராஜா இயக்கும் தமிழ் படத்தில் நடித்து வருவதாகவும், அவர் மேலும் தெரிவித்தார்.