பிக் பாஸ் நிகழ்ச்சி முடிந்து நான்கு நாட்கள் ஆகிய போதிலும் டைட்டில் வின்னர் குறித்த பிரச்சனை இன்னும் பார்வையாளர்கள் மத்தியில் தீரவில்லை. அசீம் டைட்டில் வின்னராக இருந்தாலும் மக்களின் ஆதரவு பெற்றவர் விக்ரமன்தான் என்றும் அவர் தான் உண்மையான டைட்டில் வின்னர் என்றும் சமூக வலைதளங்களில் பதிவு செய்யப்பட்டு வருகிறது.

இந்த நிலையில் மக்களின் மனதை வென்றவர் அசீமும் இல்லை, விக்ரமனும் இல்லை, ஷிவின் தான் என அவரது ஆதரவாளர்கள் கூறி வருவது மட்டுமின்றி பிக் பாஸ் சீசன் 6 நிகழ்ச்சியில் மூன்றாவது இடம் பெற்ற ஷிவினை திறந்த காரில் அவரது ரசிகர்கள் அழைத்துச் சென்ற வீடியோ இணையதளங்களில் வைரல் ஆகி வருகிறது.

ஷிவின் போஸ்டர்கள் பேனர்கள் கட்டப்பட்ட காரில் அவர் ரசிகர்களை நோக்கி கை அசைக்கும் காட்சிகளும் ரசிகர்களுக்கு ஆட்டோகிராப் போட்டு தரும் காட்சிகளும் அந்த வீடியோவில் உள்ளன.

பிக்பாஸ் நிகழ்ச்சியில் கலந்து கொண்டு 106 நாட்கள் தாக்குப்பிடித்து ஆண், பெண் போட்டியாளர்களுக்கு மத்தியில் ஒரு திருநங்கை போட்டியாளர் இறுதி போட்டியில் கலந்து கொண்டதே மிகப்பெரிய வெற்றி என்றும் அவர் சமூகத்திற்கு சிறந்த எடுத்துக்காட்டு என்றும் அவருக்கு புகழாரம் சூட்டப்பட்டு வருகிறது.

View this post on Instagram

A post shared by Rachitha Mahalakshmi (@rachitha_mahalakshmi_official)

View this post on Instagram

A post shared by Rachitha Mahalakshmi (@rachitha_mahalakshmi_official)