நடிகர் சிவகார்த்திகேயன் நடிக்க இருக்கும் 23 வது திரைப்படத்தை இயக்குனர் ஏஆர் முருகதாஸ் இயக்க உள்ளார் என்பதும் இந்த படத்திற்கான ஆரம்பகட்ட பணிகள் விறுவிறுப்பாக நடைபெற்று வருகிறது என்பதையும் பார்த்து வந்தோம்.

இந்த நிலையில் இந்த படத்தின் நாயகி உள்பட நட்சத்திரங்கள் தேர்வு நடைபெற்று வருவதாகவும் குறிப்பாக இந்த படத்தில் நாயகியாக நடிக்க ’சீதாராமம்’ நடிகை மிருணாள் தாக்கூர் இடம் பேச்சுவார்த்தை நடத்தப்பட்டதாகவும் கூறப்பட்டது. அதுமட்டுமின்றி மேலும் சில பாலிவுட் நடிகைகளிடம் பேச்சுவார்த்தை நடத்தப்பட்டதாக கூறப்பட்ட நிலையில் தற்போது இந்த படத்தின் நாயகி ருக்மணி வசந்த் என்று தெரிய வந்துள்ளது.

இன்று இந்த படத்தின் படப்பிடிப்பு சென்னையில் தொடங்க உள்ளதை அடுத்து இந்த படத்தின் நாயகி குறித்து அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது. இதனை அடுத்து ’எஸ்கே 23’ படத்தின் நாயகி மிருணாள் தாக்கூர் இல்லை, பாலிவுட் நடிகையும் இல்லை, ருக்மணி வசந்த் தான் என்பது கிட்டத்தட்ட உறுதி செய்யப்பட்டுள்ளது.

நடிகை ருக்மணி வசந்த் ஏற்கனவே சில கன்னட மற்றும் தெலுங்கு படங்களில் நடித்த நிலையில் விஜய் சேதுபதி நடித்து வரும் 51 வது படத்திலும் முக்கிய கேரக்டரில் நடித்து வருகிறார் என்பதும் ’எஸ்கே 23’ அவரது இரண்டாவது படம் தமிழ் படம் என்பதும் குறிப்பிடத்தக்கது