'சார்பாட்டா பரம்பரை' திரையரங்குகளில் ரிலீஸ் ஆகிறதா?
- IndiaGlitz, [Saturday,August 21 2021]
பா ரஞ்சித் இயக்கத்தில் ஆர்யா, துஷாரா, பசுபதி உள்பட பலர் நடித்த ‘சார்பாட்டா பரம்பரை திரைப்படம் சமீபத்தில் ஓடிடியில் ரிலீஸ் ஆனது என்பதும் இந்த படத்திற்கு மிகப்பெரிய வரவேற்பு கிடைத்தது என்பது தெரிந்ததே.
இந்த நிலையில் ‘சார்பாட்டா பரம்பரை’ திரைப்படம் ஓடிடியில் வெளிவந்தாலும், இந்த படம் திரையரங்குகளில் பார்ப்பதற்கு உரிய தரமான படம் என்றும் திரையரங்குகளில் ரிலீஸ் ஆகாமல் போனது ரசிகர்களின் துரதிர்ஷ்டம் என்றும் பல விமர்சகர்கள் தங்கள் கருத்துக்களை தெரிவித்து வந்தனர்.
இந்த நிலையில் தமிழக அரசு தற்போது ஆகஸ்டு 23 முதல் திரையரங்குகளை திறக்க அனுமதி அளித்ததை அடுத்து வரும் திங்கள் முதல் ‘சார்பாட்டா பரம்பரை திரைப்படம் திரையரங்குகளில் வெளியிட வாய்ப்பு இருப்பதாக கூறப்படுகிறது. அதுமட்டுமன்றி திரையரங்குகள் திறப்பதற்காக காத்திருந்த பல திரைப்படங்கள் ரிலீஸ் செய்ய தேவையான நடவடிக்கை எடுக்கப்பட்டு வருவதாகவும் தகவல்கள் வெளிவந்துள்ளன.