நடிகர் சிவகார்த்திகேயன் நடித்த ’வருத்தப்படாத வாலிபர் சங்கம்’ படத்தில் இடம்பெற்ற ’ஊதா கலரு ரிப்பன்’ என்ற பாடல் மிகப்பெரிய வரவேற்பை பெற்றது என்பதும் குறிப்பாக பி, சி சென்டர்களில் இந்த பாடல் பட்டிதொட்டியெங்கும் பிரபலம் என்பதும் தெரிந்ததே. இந்த நிலையில் இந்த பாடலுக்கு தான் அடிமை என அண்டை மாநில சூப்பர் ஸ்டார் தனது டுவிட்டர் பக்கத்தில் பதிவு செய்துள்ளது பெரும் பரபரப்பை ஏற்படுத்தி உள்ளது.

கடந்த இரண்டு நாட்களுக்கு முன்னர் தெலுங்கு சூப்பர் ஸ்டார் பவன் கல்யாண் தனது பிறந்த நாளை கொண்டாடினார் என்பதும், அவருக்கு தென்னிந்திய திரையுலகமே வாழ்த்து தெரிவித்தது என்பதும் தெரிந்தது. அந்த வகையில் நடிகர் சிவகார்த்திகேயன் தனது டுவிட்டர் பக்கத்தில் நடிகர் பவன் கல்யாணுக்கு தனது பிறந்தநாள் வாழ்த்துக்களை தெரிவித்தார்.

இதற்கு பதிலளித்துள்ள பவன் கல்யாண் ’உங்களுடைய பிறந்த நாள் வாழ்த்துக்கு எனது நன்றி. நான் உங்கள் படத்தில் இடம்பெற்ற ’ஊதா கலர் ரிப்பன்’ பாடலுக்கு அடிமை. அந்த பாடலை பலமுறை நான் கேட்டிருக்கிறேன். எத்தனை தடவை கேட்டுள்ளேன் என்று எனக்கே தெரியாது’ என்று கூறியுள்ளார்.

பவன் கல்யாணின் இந்த பதிலால் மகிழ்ச்சி அடைந்த சிவகார்த்திகேயன் தனக்கு பதில் அளித்ததற்கு நன்றி என்றும் ஊதா கலர் ரிப்பன் பாடலுக்கு ரசிகர் என்று கூறியதற்கு மிகவும் நன்றி என்றும் அவர் குறிப்பிட்டு உள்ளார். ஊதா கலர் ரிப்பன் பாடலுக்கு அண்டை மாநில சூப்பர் ஸ்டாரே ரசிகர் என்ற தகவல் தற்போது சிவகார்த்திகேயன் ரசிகர்களுக்கு ஆச்சரியத்தை அளித்துள்ளது.

Dear Thiru Shiva Karthikeyan, Thank you for your warm wishes. Wishing you very best for your success . And I love your song
‘ Oodha colour ribbon.’
I have seen it countless times.??

— Pawan Kalyan (@PawanKalyan) September 3, 2020