100 రోజులు దిశగా పెళ్లిచూపులు..!
- IndiaGlitz, [Friday,September 30 2016]
చిన్న చిత్రంగా రిలీజై పెద్ద విజ‌యాన్నిసొంతం చేసుకున్న సంచ‌ల‌న చిత్రం పెళ్లి చూపులు. విజ‌య్ దేవ‌ర‌కొండ, రీతు వ‌ర్మ జంట‌గా త‌రుణ్ భాస్క‌ర్ ఈ చిత్రాన్ని తెర‌కెక్కించారు. సురేష్ బాబు స‌మ‌ర్ప‌ణ‌లో రాజ్ కందుకూరి ఈ చిత్రాన్నినిర్మించారు. ప్ర‌తి శుక్ర‌వారం రెండు, మూడు సినిమాలు రిలీజ్ అవుతున్నా..నేటికీ పెళ్లి చూపులు చిత్రానికి ప్రేక్ష‌కుల ఆద‌ర‌ణ ల‌భిస్తూనే ఉంది. ప‌ద‌వ వారంలో ప్ర‌వేశించిన పెళ్లిచూపులు 100 రోజులు పూర్తి చేసుకునే దిశగా విజ‌య‌వంతంగా ప్ర‌ద‌ర్శిత‌మౌతుండ‌డం విశేషం.
ఈ సంద‌ర్భంగా నిర్మాత రాజ్ కందుకూరి మాట్లాడుతూ...ఆడియోన్స్ క్లీన్ ఎంట‌ర్ టైన‌ర్ ను ఫ్యామిలీస్ క‌లిసి ప‌ద‌వ వారంలో కూడా చూస్తుండ‌డం చాలా హ్యాపీగా ఉంది. పెళ్లిచూపులు సినిమా నాకు ఒక అద్భుత‌మైన జ‌ర్నీ. ఈ సినిమా ఇచ్చిన స‌క్సెస్ తో మంచి సినిమా అందించాల‌ని నాపై మ‌రింత బాధ్య‌త పెరిగింది. మా టీమ్ అంద‌రికీ థ్యాంక్స్ తెలియ‌చేస్తున్నాను అన్నారు.