ప్రభాస్ సినిమా గురించి పూజా ఏమందంటే..
- IndiaGlitz, [Tuesday,March 20 2018]
వరుసగా క్రేజీ ప్రాజెక్టులు క్యూ క‌డుతుండ‌డంతో.. ఆనందంతో ఉబ్బితబ్బిబవుతోంది అందాల తార పూజా హెగ్డే. తాజాగా ఈ ముద్దుగుమ్మ.. టాలీవుడ్ స్టార్ హీరోలైన మహేష్ బాబు, ఎన్టీఆర్, ప్రభాస్ సినిమాల్లో న‌టించే అవ‌కాశాల‌ను ద‌క్కించుకుంది. అంతేకాదు.. ఇటీవల వీరిని బాలీవుడ్ ఖాన్ త్రయంతో పోలుస్తూ ఆకాశానికేత్తేసింది. ఇదిలా ఉంటే.. ‘బాహుబలి’ సిరీస్‌తో జాతీయంగా, అంతర్జాతీయంగా ప్రేక్షకులను సంపాదించుకున్న ప్రభాస్‌ను టార్గెట్ చేస్తూ కొన్ని ఆస‌క్తిక‌ర‌మైన వ్యాఖ్యలు చేసింది పూజా.
“ప్రభాస్‌తో కలిసి నటించాలని ఎంతో ఆసక్తిగా ఎదురుచూస్తున్నా. అలాగే ప్రభాస్‌కున్న ఇమేజ్‌కు, క్రేజ్‌కు బెదరకుండా.. డైరెక్టర్ నాకు ఇచ్చిన బాధ్య‌త‌ను సక్రమంగా నిర్వర్తించాలి, చక్కగా నటించాలి. ప్రభాస్ సరసన నన్ను నేను ప్రూవ్ చేసుకోవాలి, అలాగే నాకో గుర్తింపు తెచ్చుకోవాలి” అంటూ పూజా చెప్పుకొచ్చింది. ‘జిల్’ డైరెక్టర్ రాధాకృష్ణ దర్శకత్వంలో రూపొందనున్న ఈ సినిమా త్వరలోనే పట్టాలెక్కనుంది.