60 வயதில் திருமணம் செய்து கொண்ட ரஜினி, விஜய் பட நடிகர்.. வைரல் புகைப்படங்கள்..!
- IndiaGlitz, [Thursday,May 25 2023]
ரஜினி, விஜய் உள்பட பல முன்னணி நடிகர்களின் படங்களில் வில்லன் மற்றும் குணச்சித்திர வேடங்களில் நடித்த நடிகர் ஆஷிஷ் வித்யார்த்தி 60 வயதில் திருமணம் செய்து கொண்ட புகைப்படம் இணையதளங்களில் வைரல் ஆகி வருகிறது.
தமிழ் உட்பட 11 மொழிகளில் திரைப்படங்களில் நடித்தவர் நடிகர் ஆஷிஷ் வித்யார்த்தி. இவர் 200க்கும் மேற்பட்ட படங்களில் நடித்துள்ளார் என்பதும் தமிழில் ரஜினிகாந்த் நடித்த ’பாபா’ விஜய் நடித்த ’கில்லி’ உள்பட பல திரைப்படங்களில் நடித்துள்ளார் என்பது குறிப்பிடத்தக்கது. வில்லன் மற்றும் குணச்சித்திர வேடங்களில் நடிப்பில் அசத்திய இவர் தேசிய விருதையும் பெற்றுள்ளார் என்பது பலரும் அறிந்ததே.
இந்த நிலையில் ஏற்கனவே ராஜோஷி பருவா என்பவரை ஆஷிஷ் வித்யார்த்தி திருமணம் செய்து கொண்ட நிலையில் தற்போது கௌஹாதியைச் சேர்ந்த ரூபாலி பருவா என்பவரை இன்று இரண்டாவதாக திருமணம் செய்து கொண்டார். இந்த திருமணத்திற்கு இரு குடும்பத்தின் நெருங்கிய நண்பர்கள் மற்றும் உறவினர்கள் மட்டும் கலந்து கொண்டதாகவும் இந்த திருமணம் பதிவு செய்யப்பட்டதாகவும் கூறப்படுகிறது.