ప్రభాస్ త‌దుప‌రి షెడ్యూల్ ఎప్ప‌టి నుండంటే!
- IndiaGlitz, [Wednesday,December 11 2019]
'బాహుబ‌లి'తో నేష‌న‌ల్ స్టార్‌గా ఎదిగిన యంగ్ రెబ‌ల్‌స్టార్ ప్రభాస్ త‌ర్వాత 'సాహో' చిత్రంతో ప్రేక్ష‌కుల ముందుకు వ‌చ్చారు. ఈ చిత్రం ప్యాన్ ఇండియా చిత్రంగానే విడుద‌లైనప్ప‌టికీ బాహుబ‌లిలా ప్రేక్ష‌కుల‌ను అన్ని భాష‌ల్లో ఆక‌ట్టుకోలేదు. అయితే ప్రభాస్ ఇప్పుడు చేస్తోన్న తాజా చిత్రం 'జాన్‌'(విన‌ప‌డుతున్న టైటిల్‌)ని కూడా ప్యాన్ ఇండియా చిత్రంగానే విడుద‌ల చేయాల‌ని అనుకుంటున్నాడ‌ట. అందుకు త‌గిన‌ట్లుగానే సినిమా రూపొందుతోంది. జిల్ ఫేమ్ రాధాకృష్ణ కుమార్ తెర‌కెక్కిస్తోన్న ఈ చిత్రం వ‌చ్చే ఏడాది ద్వితీయార్థంలో విడుద‌ల కానుంది.
ప్ర‌స్తుతం ఈ సినిమా త‌దుప‌రి షెడ్యూల్‌కు సిద్ధ‌మ‌వుతుంది. వివ‌రాల ప్ర‌కారం జ‌న‌వ‌రి మొద‌టి వారం నుండి అన్న‌పూర్ణ స్టూడియోలో చిత్రీక‌రించ‌నున్నారు. ఈ షెడ్యూల్ కోసం అన్న‌పూర్ణ స్టూడియోలో సెవెన్ ఏకర్స్‌లో మూడు భారీ సెట్స్ వేశారట. 1960-70 బ్యాక్‌డ్రాప్‌తో లింక్ అవుతూ నేటి కాలానికి కొన‌సాగే ప్రేమ‌క‌థాశంతో ఈ సినిమా ఉంటుంద‌ట. పూర్వ‌జ‌న్మ‌లో ధ‌న‌వంతుడిగా ప్రభాస్, పేద అమ్మాయిగా పూజా హెగ్డే పుడుతుంద‌ట. ఆ సమయంలో విఫ‌ల‌మైన వారి ప్రేమ ఇప్ప‌టి కాలంలో ఎలా క‌లిసింద‌నేదే క‌థ‌ట. ప్రభాస్ ఇందులో హ‌స్త‌సాముద్రిక తెలిసిన వ్య‌క్తిగా క‌న‌ప‌డ‌బోతున్నాడ‌ట. పూజా హెగ్డే హీరోయిన్‌గా న‌టిస్తోంది.