மீண்டும் பிரபுதேவாவுடன் இணையும் தமன்னா?
- IndiaGlitz, [Friday,October 07 2016]
தமன்னா நடிப்பில் சமீபத்தில் வெளியான 'தர்மதுரை' திரைப்படம் 50வது நாள் என்ற மைல்கல்லை தொட்டுள்ள நிலையில் இன்று அவர் பிரபுதேவாவுடன் நடித்த 'தேவி' ரிலீஸ் ஆகி நல்ல வரவேற்பை பெற்றுள்ளது.
இந்நிலையில் தமன்னா மீண்டும் பிரபுதேவாவுடன் இணையவுள்ளதாகவும், ஆனால் இந்த முறை இருவரும் நடிப்பதற்கு பதிலாக இருவரும் இணைந்து ஒரு படத்தை தயாரிக்கவுள்ளதாகவும் கூறப்படுகிறது.
ஏற்கனவே பிரபுதேவா-தமன்னா இடையே காதலா? என இணையவாசிகள் கிசுகிசுவை கிளப்பி வரும் நிலையில் பிரபுதேவாவுடன் இணைந்து தமன்னா தயாரிப்பு நிறுவனம் தொடங்கவுள்ளதாக செய்திகள் வெளியாகியுள்ளது என்பது குறிப்பிடத்தக்கது.
மேலும் விஷாலுடன் தமன்னா நடித்த 'கத்திச்சண்டை' வரும் தீபாவளி தினத்தில் வெளியாகும் என்று எதிர்பார்க்கப்படுகிறது. அதுமட்டுமின்றி அடுத்த வருடம் 'பாகுபலி 2' மற்றும் சிம்புவுடன் தமன்னா நடித்த 'அன்பானவன் அசராதவன் அடங்காதவன்' ஆகிய படங்கள் வெளியாகவுள்ளது என்பது குறிப்பிடத்தக்கது