பிக் பாஸ் நிகழ்ச்சியின் போட்டியாளர்களில் ஒருவரான பிரதீப் ஆண்டனி கடந்த வாரம் பெண்களுக்கு ஆபத்தானவர் என்ற குற்றச்சாட்டின் அடிப்படையில் ரெட் கார்ட் காண்பிக்கப்பட்டதால் வெளியேற்றப்பட்டார். அவரது வெளியேற்றத்தில் கமல்ஹாசன் கூட கொஞ்சம் அவசரப்பட்டு விட்டதாக பார்வையாளர்கள் விமர்சனம் செய்து வருகின்றனர்.

பிரதீப் வீட்டை விட்டு சென்று ஒரு வாரம் ஆனபோதிலும் பிரதீப்பை பற்றிதான் மற்ற போட்டிர்கள் பேசிக் கொண்டிருப்பதால் ஒரு கட்டத்தில் மாயா குரூப்பினரே பிரதீப் இருந்திருக்கலாம் என்று சொல்லும் வகையில் ஆகிவிட்டது.

இந்த நிலையில் பிரதீப் மீண்டும் பிக் பாஸ் வீட்டிற்கு வருவதற்கான பேச்சுவார்த்தை நடத்தப்பட்டு வருவதாக கூறப்பட்டது. இதற்கு இரண்டு நிபந்தனை பிரதீப் தரப்பிலிருந்து விதிக்கப்பட்டதாகவும் கூறப்பட்டது.

ஒருசில சமூக வலைத்தள பக்கங்களில் பிரதீப் மீண்டும் பிக்பாஸ் வீட்டிற்கு வரவிருப்பதாக கூறப்பட்டாலும் அதிகாரபூர்வ தகவல் இதுவரை எதுவும் இல்லை. ஒருவேளை மீண்டும் பிரதீப் வந்தால் மாயா, பூர்ணிமா குரூப் என்ன ஆகும்? ஒரு வேலை அவருக்கு கேப்டன் பதவி கொடுத்தால் பிக் பாஸ் வீடு எப்படி இருக்கும் என்பதை பார்க்க அனைவரும் ஆவலுடன் உள்ளனர்.