சமீபத்தில் வெளியான மலையாள திரைப்படம் ‘பிரேமலு’ மிகப்பெரிய வரவேற்பை பெற்றது என்பதும் இந்த படம் உலகம் முழுவதும் ரூ.100 கோடிக்கும் அதிகமாக வசூல் செய்து சாதனை செய்ததாகவும் கூறப்பட்டது. இவ்வளவுக்கும் இந்த படத்தின் மொத்த பட்ஜெட் வெறும் 3 கோடி ரூபாய் என்பது ஆச்சரியமான தகவலாகும்.

இந்த நிலையில் இந்த படத்தின் வெற்றியை அடுத்து இந்த படத்தின் இரண்டாம் பாகம் உருவாக்க இருப்பதாக படக்குழுவினர் அதிகாரபூர்வ அறிவித்துள்ளதோடு, ‘பிரேமலு 2’ எப்போது ரிலீஸ் என்பது குறித்த தகவலையும் வெளியிட்டுள்ளனர்.

மலையாளத் திரைப்படமான ‘பிரேமலு’ தமிழ் உட்பட தென்னிந்திய மொழிகளில் கடந்த பிப்ரவரி மாதம் வெளியானது என்பதும் இந்த படம் ஜாலியாக திரைக்கதை அமைக்கப்பட்டு இருந்ததால் படம் அனைத்து தரப்பினருக்கும் பிடித்தது என்பது தெரிந்ததே.

ஐடியில் பணிபுரியும் பெண்ணை வேலையில்லாத நாயகன் காதலிக்க, நாயகன் மீது நட்புடன் நாயகி செய்யும் சில உதவிகளால் காதல் என்று தவறாக எடுத்துக் கொள்ளும் நாயகன் சந்திக்கும் பிரச்சனைகள் அழகாகவும் ரொமான்ஸ் ஆகவும் காமெடியாகவும் சொல்லப்பட்டிருந்தது

இந்த நிலையில் இந்த படத்தின் கிளைமாக்ஸில் நாயகன் லண்டன் செல்வது போன்றும் அவரை பிரிந்து நாயகி வருத்தப்படுவது போன்றும் அமைக்கப்பட்டிருந்த நிலையில் தற்போது இந்த படத்தின் இரண்டாம் பாகம் குறித்து அறிவிப்பு வெளியாகி உள்ளது. மேலும் ‘பிரேமலு 2’ திரைப்படம் 2025 ஆம் ஆண்டு வெளியாகும் என்றும் படக்குழு அதிகாரப்பூர்வமாக அறிவித்துள்ளது